Егугъуу сабийхэм ядолажьэ

Заур сэрэ тIури Тэрч дыщыщщ, къищынэмыщIауэ, илъэс куэдкIэ ансамблым дыщызэдэлэжьащ. «ЦIыхур къэпцIыхуну ухуеймэ, гъуэгу дытехьэ», - жеIэ адыгэ псалъэжьым. НтIэ, сэ Заур игъусэу гъуэгу мащIэ сытетакъым. Дунейр къызэхэткIухьащ ансамблым.

Марыщыр дапщэщи зы хьэл-щэн зиIэж, зи псалъэм тебгъуэтэж цIыху пэжт. Си щхьэгъусэмрэ абырэ зэныбжьэгъути, унагъуэкIэ дызэкIэлъыкIуэрт, ды­зэрылъагъурт. Иджыри Iэмал зэриIэкIэ дызэкIэлъокIуэ.
Заур нобэхэми сабийхэм егугъуу ядолажьэ, къызэрымыкIуэу и гуащIэшхуэ хелъ­хьэ а цIыкIухэм лъэпкъ щэнхабзэр фIыуэ яригъэлъагъун папщIэ. ИкIи къохъулIэ!
И зэфIэкI багъуэу, къару мыкIуэщIу иджыри илъэс куэдкIэ лъэпкъым хуэлэжьэну сыхуохъуахъуэ.