Спортыр наркотикым пэщIэтщ

28 ноября, 2022 - 13:00
«Урысейм и сабийхэр-2022» профилактикэ Iуэхум хыхьэу «Спортыр наркотикым пэщIэтщ!» къыхуеджэныгъэм щIэту «Налшык» спорт комплексым щекIуэкIащ самбэмкIэ республикэ зэпеуэ, 2007 - 2009 гъэхэм къалъхуахэр хэту. Ар къызэригъэпэщащ КъБР-м щыIэ МВД-м Наркотикхэр зэрызэрагъакIуэм кIэлъыплъынымкIэ и управленэм. 
Зэхьэзэхуэр къыщызэIуахым утыкум къихьэнухэм захуигъэзащ Управленэм мыхьэнэшхуэ зиIэ Iуэху хэхахэмкIэ и оперуполномоченнэ нэхъыжь, полицэм и подполковник Давыдовэ Иринэ. 
- Наркотикхэм защыфхъумэ, фи яку къыдэхъуэ зэдауэхэмрэ зэныкъуэкъухэмрэ татамим щызэхэвгъэкI, пэжу икIи зэIухауэ фызэпеуэурэ, - къыхигъэщащ абы.
БэнакIуэ ныбжьыщIэхэр ягъэгушхуащ зэпеуэм кIэлъыплъыну къекIуэлIахэмрэ адэ-анэхэмрэ. 
  Iуэхум хиубыдэу абы хэтахэм драгъэкIуэкIащ балигъ мыхъуахэр наркотикхэкIхэмрэ акъылыр зыгъэутхъуэ пкъыгъуэхэмрэ игъэкIыным хэшэныр къэмыгъэхъуным ехьэлIа псалъэмакъ. 
 Зэпеуэм щытекIуахэм щIыхь тхылъхэмрэ медалхэмрэ иратащ. 
БАХЪСЭН Азэмэт.
  • 33 просмотра
Поделиться:

Читать также:

29.04.2024 - 12:26 → Дызэрыпагэ гъуащхьэтет
25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ