ДэIэпыкъуныгъэхэр

10 февраля, 2023 - 13:44

2023 гъэм Урысейм щыпсэу цIыху мини 2,5-м щIигъум федеральнэ бюджетым къыхэкI ахъшэкIэ унэ къызэращэхуну сертификатхэр иратыфынущ. Абы теухуа дэфтэрым Iэ щIидзащ УФ-м и Правительствэм и УнафэщI Мишустин Михаил.

Абы и фIыгъэкIэ цIыхухэм Iэмал яIэщ я псэукIэр ирагъэфIэкIуэну е фэтэрыщIэ къаIэрыхьэну.

Мы гъэм а дэIэпыкъуныгъэр къызэрагъэпэщын папщIэ, федеральнэ бюджетым къыхагъэкIынущ сом мелард 12-м нэс. Ар зыхухахыр цIыху щхьэхуэхэращ - Чернобыль къыщыхъуа къэхъукъащIэр гъэкIуэдыжыным хэтахэм, нэгъуэщI хэкIыпIэ ямыIэу къэIэпхъуэхэм, Байконур, Ищхъэрэ Жыжьэм къиIэпхъукIхэм, дзэм къулыкъу щызыщIэхэм, къэрал кIуэцI IуэхухэмкIэ IуэхущIапIэхэмрэ МЧС-мрэ я лэжьакIуэхэм.

Къэралыр зыдэIэпыкъунур хабзэм тету зи псэукIэр егъэфIэкIуэн хуейуэ къалъытэхэрщ.

Мы Iуэхур къызэрагъэпэщ «Урысей Федерацэм щыпсэухэр унэрэ коммунальнэ IуэхутхьэбзэхэмкIэ къызэгъэпэщын» къэрал программэм хыхьэу.

 

 

 

БАГЪЭТЫР Луизэ.
  • 31 просмотр
Поделиться: