ПсэкIэ щIалэхэрНалшык дэт Лъэпкъ музейм щагъэлъагъуэ «Анна» валеологие клубым хэтхэм я Iэдакъэ къыщIэкIа сурэтхэмрэ нэгъуэщI лэжьыгъэхэмрэ. Илъэс къэси хуэдэу, мыгъэрейми «ПсэкIэ щIалэхэр» фIэщыгъэ хуащIащ. «Анна» клубым и унафэщI Фатеевэ Юлие зэрыжиIамкIэ, цIыху IэпщIэлъапщIэхэм ягъэлъагъуэ лъэпкъ фащэхэмкIэ хуэпа гуащэхэр, гуащэ щабэхэр, фэеплъ тыгъэ цIыкIухэр, хэдыкIым и Iэмал зэмылIэужьыгъуэхэмкIэ щIа сурэтхэр, нэгъуэщIхэри. - Мы гъэлъэгъуэныгъэр и фэеплъщ ди клубым илъэс куэдкIэ и унафэщIу щыта, иджыблагъэ дунейм ехыжа Кривчик Надеждэ, - жеIэ Фатеевэ Юлие. - Абы иригъэжьа Iуэху дахэм къыпытщэну, едгъэфIэкIуэну ди мурадщ. Надеждэ хузэфIэкIащ зэфIэкI зыбгъэдэлъ, гупсысэкIэ гъэщIэгъуэн зиIэ цIыхухэр зэхуишэсыну. Клубыр къызэрызэрагъэпэщрэ илъэсипщI мэхъури, ди клубым хэт дэтхэнэми и псэм фIэфI Iуэхум зрипщытыфынущ, и зэфIэкI еплъыжыфынущ. Музейм и хъумапIэм и унафэщI Топаловэ Иринэ жиIащ, утыку кърахьа лэжьыгъэхэм ятепщIыхьмэ, ар зыщIахэм зэфIэкI ин яIэу къэплъытэ зэрыхъунур. А клубым хэт Мысачэ Верэ лъэпкъ фащэхэмкIэ хуэпа и гуащэхэр зэрищIым и гугъу яхуищIащ къызэхуэсахэм. Разумовэ Еленэ зэрыжиIамкIэ, абы сурэт щIыным хуиту зыщрипщытар и ныбжьыр кIуатэу и къалэнхэр нэхъ мащIэ хъуа иужьщ. Дыгъэгъазэм ику хъуху екIуэкIыну гъэлъэгъуэныгъэм фемыплъу блэвмыгъэкI.
Инэрокъуэ Данэ.
Поделиться:
Читать также:
28.04.2024 - 15:02 →
ЦIыху лъэужьыфIэм и фэеплъ
27.04.2024 - 17:14 →
Витебск зыкъыщагъэлъэгъуэнущ
27.04.2024 - 13:04 →
Макъамэм зэфIэкI щызиIэхэр
27.04.2024 - 10:01 →
Макъамэ Iэмэпсымэхэр зыгъэбзэрабзэхэр
26.04.2024 - 15:39 →
ПащIэ Бэчмырзэ и дыщэ пхъуантэр
|