Щэнхабзэ

Тэрч щIыналъэм щыщ сурэтыщI Къандрокъуэ Хъусейн и IэдакъэщIэкIхэм я гъэлъэгъуэныгъэ иджыблагъэ щекIуэкIащ Сабий гъуазджэхэмкIэ «Радуга» школым (Нарткъалэ).
СурэтыщI ныбжьыщIэм дежкIэ япэ гъэлъэгъуэныгъэм мыхьэшхуэ иIэщ. ЗэрыжаIэщи, Iуэхур зэребгъажьэщ.

Маргъущ Тамерлан Щхьэлыкъуэ къуажэм щыщщ. ЩIалэ жыджэр цIыкIур республикэм щекIуэкI Iуэхухэм хэту куэдрэ щыдолъагъу: уэрэд жиIэу, хъуэхъу иIэту, къафэу. Ар Щхьэлыкъуэ дэт езанэ курыт школым и ещанэ классым щIэсщ, «тху» защIэкIэ соджэ. 

Москва, Ростовхэ я унэм щекIуэкIа «Нонфикшн» тхылъ жармыкIэм щагъэлъэгъуащ Урысейм ис тхакIуэхэмрэ тхылъ тедзапIэхэмрэ я зэгухьэныгъэм (АСПИ) и «МестоимениЯ» проектышхуэм хыхьэ лэжьыгъэхэр.

РСФСР-м щIыхь зиэ и артисткэ, Къэбэрдей-Балъкъэрым и уэрэджыIакIуэ нэхъыфIу къалъытэ КIуащ Верэ къызэралъхурэ илъэс 95-рэ мэхъу.

Кулиев Къайсын и цIэр зезыхьэ Балъкъэр къэрал драмэ театрым иджыблагъэ щекIуэкIащ Къэбэрдей-Балъкъэрым и цIыхубэ тхакIуэ, КъБР-м щэнхабзэмкIэ щIыхь зиIэ и лэжьакIуэ Моттаевэ Светланэ къы­зэралъхурэ илъэс бжыгъэ дахэ зэ­рырикъум траухуа пшыхь.

Артисткэ Щэрмэт Людмилэ и махуэщ
Щэрмэт Людмилэ СулътIан и пхъур 1953 гъэм мэлыжьыхьым и 25-м Аруан районым хыхьэ Къэхъун къуажэм къыщалъхуащ. Курыт еджапIэр къиухри, ар 1970 гъэм щIэтIысхьащ Щукиным и цIэр зэрихьэу Москва дэт театр училищэм. 1975 гъэм Налшык къызэригъэзэж лъандэрэ, ар ЩоджэнцIыкIу Алий и цIэр зезыхьэ Къэбэрдей къэрал драмэ театрым щолажьэ. Щэрмэтым 1997 гъэм Къэрэшей-Шэрджэс Республикэм щIыхь зиIэ и артисткэ, 2008  гъэм   КъБР-м и ц1ыхубэ артисткэ цIэ лъапIэхэр къыхуагъэфэщащ.

Иджыблагъэ америкэ, европэ, псом нэхъыбэу итальян хъыбарегъащIэ IэнатIэхэм хъыбар гъэщIэгъуэн «ягъэкIэрэхъуащ». Нью-Йорк  къыщегъэжьауэ Бангкок нэс щыщ журналистхэм цIыху цIыкIур зэщIэзыгъэуIуа тхыгъэхэр къытрадзащ мыпхуэдэ псалъащхьэхэм щIэту: «Леонардо и анэм теухуа щэхур хэIущIыIу хъуащ», «Хэту щыта Леонардо и анэр?», «Леонардо и анэр шэрджэсыр пэж?».

Нобэ илъэс бжыгъэ дахэ ирокъу и макъ дахэмкIэ, утыку итыкIэ екIумкIэ щIыпIэ куэдым къыщацIыху Даур Иринэ. 

БжьыхьэлI Замир зи гъэсакIуэ «Черкес» къэфакIуэ гупыр иджыблагъэ хэтащ НТВ-мкIэ екIуэкI «Страна талантов» телеп­роектым. «Черкес»-р кавказ къафэхэмкIэ Урысейм и чемпионщ. Ди ныбжьыщIэхэм я жыджэрагъым, утыку итыкIэм итхьэкъуащ къэпщытакIуэхэр, телевизореплъхэр. КъэфакIуэхэм  зыкъызэрагъэлъэгъуар интернетым иралъхьа нэужьи, абы еплъа­хэм псалъэ гуапэхэмрэ хъуэхъу дахэхэмкIэ куэдым зы­къыхуа­гъэзащ. КъэпщытакIуэхэм къыхагъэщащ къафэр бгъэ­зэщIэну зэрыгу­гъур, ауэ ныбжьыщIэхэм ар уардэрэ уатхьэкъуу къазэрехъулIар.