Зеикъуэ жылэм - зыгъэпсэхупIэщIэ

Бахъсэн районым и поликлиникэу Зеикъуэ къуажэ дэтым егъэщIылIа Iэгъуэблагъэр, псори зэхэту метр зэбгъузэнатIэ 800-м нэблагъэ къызэщIэзыубыдэр, цIыхухэм я зыгъэпсэхупIэ щIыным хуэгъэзауэ ирагъэкIуэкIа Iуэхугъуэхэр и кIэм нагъэсащ.
УхуакIуэхэм мы щIыпIэм лъэс лъагъуэхэр щыпхашащ, тетIысхьэпIэщIэхэр щагъэуващ, иджырей уэздыгъэхэм хуэгъэпса пкъохэр щыхатIащ, ихъуреягъкIэ жыгыщIэхэр щыхасащ. Къедза Iэхэлъахэм, къуажэдэсхэми хьэщIэу къахуэкIуэхэми я лъэр зэрыщыщIагъэкIыфынум и мызакъуэу, зэIущIэ зэмылIэужьыгъуэхэри къыщызэбгъэпэщыфынущ.    
Лэжьыгъэхэр ирагъэкIуэкIащ «Иджырей къалэм и теплъэ» («Формирование современной городской среды») лъэпкъ проектым тету.