Нэгузыужь пшыхьМусукаев Дагъыстэным и Каспийск къалэм дэт Алиев Алий и цIэр зезыхьэ Спортым и уардэунэм щызэхэтащ бэнакIуэ нэгузыужь пшыхь. «Wolnik» ебланэ нэгузыужь проектым хыхьэу зэIущIи 6 екIуэкIащ. Къэбэрдей-Балъкъэрым щыщ бэнакIуэ, иджыпсту Венгрием и ныпым щIэту утыку къихьэ Мусукаев Исмэхьил Каспийск хьэрхуэрэгъу къыщыхуэхъун хуеящ зи хьэлъагъыр килограмм 65-м нэблагъэ иджырей дунейпсо чемпион Шахиев Загир. Ауэ зэхьэзэхуэм ипэ къихуэу Мусукаевым и бэнэгъум и блыпкъым фэбжь игъуэтам къыхэкIкIэ нэгузыужьым хэмытыну триухуащ. И лъэпкъэгъум и пIэкIэ утыкум къихьащ Хасавьюрт и бэнакIуэ спорт школым и гъэсэн, дунейпсо Кубокыр къэзыхьа, 2020 гъэм Урысейм и чемпионатым етIуанэ увыпIэр щызыубыда Ферзалиев Рэмазан. ЗэпэщIэтыныгъэ гуащIэм и Iэзагъыр къыщигъэлъэгъуащ икIи 7:5-уэ щытекIуащ Мусукаевыр. Пшыхьым и зэIущIэ нэхъыщхьэу ягъэува ММА щызауэхэу Мачаев Мурадрэ Раисов Юсуфрэ зэфIэкI зэхуэдэ къагъэлъэгъуащ. 8:8-уэ иуха зэхьэзэхуэм Iэзагъ нэхъ лъагэ зыбгъэдэлъу судьяхэм къыщалъытащ Раисовыр.
Поделиться:
Читать также:
02.05.2024 - 14:21 →
Медаль тIощIрэ бгъурэ
02.05.2024 - 14:15 →
Дыщи домбеякъи къахь
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 17:06 →
Гуп зэпеуэм япэ щыхъуащ
|