Ветераным и мастер-класс«Сабий стадион» КъБР-м и къэрал бюджет IуэхущIапIэм и футбол джэгупIэ губгъуэм щекIуэкIащ республикэм регбимкIэ и командэ къыхэхам и зыгъэсэныгъэ. Абы кърихьэлIат Налшык къалэ администрацэм Физическэ щэхабзэмкIэ, спортымрэ щIалэгъуалэ IуэхухэмкIэ управленэм и «Налшык» спорт школым зыщызыгъасэ илъэс 16 зи ныбжь спортсменхэмкIэ. Зыгъэсэныгъэм ирагъблэгъащ регбимкIэ СССР-м и Кубокыр къэзыхьа, регбимкIэ РСФСР-м тIэунейрэ и чемпион, Бэрбэч Хь.М. и цIэр зезыхьэ Къэбэрдей-Балъкъэр къэрал университетым регбимкIэ и секцэм и тренер, спортым и ветеран Нало Алим. Регбим и ветеран цIэрыIуэр тренер штабым игъусэу ифIэфIу хэтащ спорт зэхыхьэм. Зыгъэсэныгъэхэр щызэпагъэухэм и деж спортсменхэм упражненэ щхьэхуэхэр тэмэму зэрагъэзэщIэным ехьэлIа чэнджэщ яритащ. КIэухыу Налор регбист щIалэщIэхэм яхутепсэлъыхьащ республикэ регбим и тхыдэ купщIафIэмрэ гъащIэ узыншэр зэрехьэкIыпхъэмрэ. Ветераным жиIэжащ Къэбэрдей-Балъкъэрым регби спорт лIэужьыгъуэр 1968 гъэм къызэрыщыунэхуар. Ректор Лъостэн Владимир и нэIэ щIэту Къэбэрдей-Балъкъэр къэрал университетым и япэ командэр Лобжанидзе Александр къызэригъэпэщауэ щытащ. 1968 гъэм къыщыщIэдзауэ 1977 гъэ пщIондэ КъБКъУ-м и командэр тIэунейрэ РСФСР-м и чемпион хъуащ, «Спартак» физкультурэ-спорт зэгухьэныгъэм и Совет Нэхъыщхьэм и зэхьэзэхуэхэм зыбжанэрэ къыщыхэжаныкIащ. КъищынэмыщIауэ, тIэунейрэ Урысей Федерацэм и чемпион хъуащ. 1976 гъэм командэр хыхьащ Совет Союзым регбимкIэ и лигэ нэхъыщхьэм.
Поделиться:
Читать также:
04.05.2024 - 11:00 →
Урысейм и чемпион Шэрий Иналбэч
02.05.2024 - 14:21 →
Медаль тIощIрэ бгъурэ
02.05.2024 - 14:15 →
Дыщи домбеякъи къахь
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
|