Къэралым и чемпион Гъэужьей IэдэмСуздаль къалэм щекIуэкIащ алыдж-урым бэнэкIэмкIэ Урысей Федерацэм и чемпионат. Абы и саугъэтхэм щIэбэнащ ди къэралым и щIыналъэ псоми икIа спортсмен 300-м щIигъу. Зэхьэзэхуэм фIы дыдэу зыкъыщагъэлъэгъуащ Къэбэрдей-Балъкъэрым и бэнакIуэхэм. Гуп зэпеуэм ди щIалэхэм ещанэ увыпIэр щаубыдащ. Я хьэлъагъ елъытауэ гупипщIу зэщхьэщыхауэ щытахэм я деж ди республикэм и спортсменхэм медаль зэмылIэужьыгъуэу 6 къыщахьащ. Килограмм 67-м нэблагъэ зи хьэлъагъ Гъэужьей Iэдэм къыпэлъэщын щыбэна гупым къыхэкIакъым икIи дыщэ медалыр зыIэригъыхьэри къэралым и чемпион хъуащ. Дыжьын медалыр Урысей Федерацэм и чемпионатым къыщихьащ килограмм 63-м нэблагъэ зи хьэлъагъ Локъяев Жамболэт. Домбеякъ медалхэр зыIэрагъэхьащ Желдашев Валерэ (кг 72-м нэблагъэ), Къуэдзокъуэ Сосрыкъуэ (кг 87-м нэблагъэ), КъуийцIыкIу Ахьмэд (кг 77-м нэблагъэ), Гъуэныбэ Iэуес (кг 82-м нэблагъэ) сымэ.
Поделиться:
Читать также:
17.04.2024 - 12:56 →
Къапэлъэщын къахэкIакъым
17.04.2024 - 12:54 →
Медалиблым щыщу щыр дыщэу
15.04.2024 - 17:00 →
КIыщ Аслъэнбэч и дыщэхэм къыхегъахъуэ
15.04.2024 - 16:30 →
Сочэ къащыпоплъэ
11.04.2024 - 17:30 →
Дыдейхэрщ нэхъыфIыр
|