Ди бэнакIуэхэр Самарэ щытокIуэ
Самарэ къалэ дэт СпортымкIэ мылылъэ уардэунэм щекIуэкIащ алыдж-урым бэнэкIэмкIэ зи ныбжьыр илъэс 2I-рэ иримыкъуахэм я урысейпсо зэхьэзэхуэ. Къэбэрдей-Балъкъэрым къищынэмыщIауэ абы хэтащ Урысей Федерацэм и щIыналъэ куэдым къикIа бэнакIуэ 300-м щIигъу. Зи хьэлъагъыр килограмм 67-м нэблагъэхэм я зэпэщIэтыныгъэм щригъэкIуэкIа пэщIэдзэ зэIущIиплIым текIуэныгъэ къыщызыхьа Бабочиев Имран финалым нэсащ. КIэух зэIущIэм Къэбэрдей-Балъкъэрым щыщ спортсменыр щыIущIащ хэгъэрейхэм ящыщ Скуратов Максим. Зэбэныныгъэм хухаха зэман нэхъыщхьэр и кIэм нэмыблагъэ щIыкIэ 9:0-у абы щытекIуащ Бабочиевыр икIи дыщэ медалыр зыIэригъэхьащ. КъыкIэлъыкIуэ махуэм Къэбэрдей-Балъкъэрым иджыри зы дыщэ медаль къыхуихьащ ди лъэпкъэгъу БищIо Астемыр. Япэ зэIущIэхэм шэч къызытумыхьэн текIуэныгъэр щызыIэригъыхьэри финалым ди спортсменым хьэрхуэрэгъу къыщыхуэхъуащ зэхьэзэхуэм и адрей гупым пашэ щыхъуа Пермь щыщ Кожокарэ Пётр. Зи хьэлъагъыр килограмм 63-м нэблагъэхэм я финалым БищIор 5:3-уэ щытекIуэри зэхьэзэхуэм и саугъэт нэхъыщхьэр къыхуагъэфэщащ.
Поделиться:
Читать также:
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
17.04.2024 - 12:56 →
Къапэлъэщын къахэкIакъым
17.04.2024 - 12:54 →
Медалиблым щыщу щыр дыщэу
15.04.2024 - 17:00 →
КIыщ Аслъэнбэч и дыщэхэм къыхегъахъуэ
|