Ибрэхьим Борис и фэеплъу

27 апреля, 2022 - 15:55

Налшык дэт Универсальнэ спорт комплексым щекIуэкIащ СССР-м спортым и мастер, медицинэ щIэныгъэхэм я кандидат, бэнэкIэ хуитымкIэ Урысей Федерацэм и командэ къыхэхам и дохутыр Ибрэхьим Борис и фэеплъу бэнэкIэ хуитымкIэ Кавказ Ищхъэрэ федеральнэ щIыналъэм и зэхьэзэхуэ. Абы хэтащ КИФЩI-м и щIыпIэ псоми къикIа зи ныбжьыр илъэс 16-м нэблагъэ ныбжьыщIэ 340-рэ.

ЗэпэщIэтыныгъэ гуащIэхэм Къэбэрдей-Балъкъэрым и командэ къыхэхам хэт бэнакIуэхэм медаль зэмылIэужьыгъуэу 3 къыщахьащ. 
Зи хьэлъагъыр килорамм 48-м нэблагъэхэм я зэхьэзэхуэм пашэныгъэр щиубыдащ Амщокъуэ Мурат и нэIэ щIэту зызыгъасэ Мер Маирбэч. Хьэтанэ Хьэсэнбий и гъэсэн Къашыргъэ Идар зи хьэлъагъыр килограмм 52-м нэблагъэхэм я деж дыжьын медалыр щызыIэригъэхьащ. Ещанэ увыпIэр иубыдащ Мусэ Амир. Килограмми 100-м нэблагъэ зи хьэлъагъ бэнакIуэр егъасэ Нахущ Рустам. 
Иджыри ди щIалитIым щыбэна гупхэм етхуанэ увыпIэхэр къыщахьащ. Ахэр Тыкъуэ Алихъанрэ (кг 85-м нэблагъэ) Мэрзей Рамилрэщ (кг 62-м нэблагъэ). 
Иджырей къыщыхах зэхьэзэхуэм япэ увыпIихыр щызыубыдахэм Iэмал ягъуэтащ Урысей Федерацэм и зэхьэзэхуэм зыкъыщагъэлъэгъуэну. Абыхэми хуитыныгъэ ягъуэтащ къэрал зэпеуэм и кIэух зэIущIэхэм хэтыну. 
 

 

Къэхъун Бэч.
  • 31 просмотр
Поделиться:

Читать также:

23.04.2024 - 17:31 → АЛБЭРДЫКЪУЭ Iэмин.
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр
17.04.2024 - 12:56 → Къапэлъэщын къахэкIакъым
17.04.2024 - 12:54 → Медалиблым щыщу щыр дыщэу