ЛентIхэр ягуэшащ

Урысейм и махуэм ирихьэлIэу Налшык къалэ щекIуэкIа «Лента-триколор» акцэм хэтащ Урысей гвардием къулыкъу щызыщыIэхэр икIи абыхэм цIыхухэм хуагуэшащ Урысей Федерацэм и Къэрал ныпым, плъыжьу-щIыхуу-хужьу зэгуэлъым, ещхь лентIхэр.

Махуэ зыбжанэкIэ Iуэхур щекIуэкIащ ЗэгурыIуэныгъэм и утыкум, ТекIуэныгъэм и скверымрэ Къэбэрдей-Балъкъэр къэрал университетым и унэмрэ деж.

- Къэралым и махуэшхуэ нэхъ лъапIэхэм язым – Урысейм и махуэм - ирихьэлIэу дэри дыхыхьащ а акцэм. Ди хэкум тхыдэ къулей иIэщ, Урысей ныпым и дэтхэнэ плъыфэри а блэкIам и напэкIуэцIхэщ, къэрал лъэщым папщIэ зи гъащIэм емыблэжа ди нэхъыжьхэм къакIуа гъуэгуанэщ, - жиIащ Iуэхум хэта рядовой Литовкэ Николай.