Спортым и мастерхэр«Терек-Олимп» спорткомплексым и алэрыбгъухэм иджыблагъэ зыкъыщагъэлъэгъуащ къэралым и щIыпIэ 23-м къикIа самбисти 120-м нэблагъэ. Абыхэм яхэтакъым спортым и мастерым и кандидатым и зэфIэкIым нэхъ мащIэ зиIэ. СССР-м спортымкIэ и мастер Пэнагуэ Къазбэч и фэеплъ зэхьэзэхуэм зэхуишэсат Урысей Федерацэм самбэмкIэ нэхъ щылъэрызеехьэхэр. Хэлъагъи 8-м щызэпэщIэта дэтхэнэми, бжьыпэр иубыдмэ, Iэмал иIэт спортым и мастерым и мардэр игъэзэщIэну. Зэхьэзэхуэм къыщыхэжаныкIащ ди лъахэгъухэри. Килограмм 88-м нэс зи хьэлъагъхэм я деж пашэныгъэр къыщихьащ Пщынокъуэ Альберт. КIэух зэIущIэм ар щефIэкIащ Бабгуей Олег. Ахэр ягъасэ Махуэ Олегрэ Ким Русланрэ. Килограмм 58-м нэс зи хьэлъагъхэм я зэпеуэм бжьыпэр щиубыдащ Къэбэрдей-Балъкъэрым щыщ Биналиев Вейсал. Ар егъасэ Марышев Эдуард. КIэух зэIущIэращ къыщыхагъэщIэфар Щоджэн Ислъам. Килограмм 98-м нэс зи хьэлъагъхэм я деж Ким Руслан и гъэсэным дыжьын медалыр къыщихьащ. Джылахъстэнейм къыщыхэжаныкIа ди щIалэхэм иджыри зэхьэзэхуэ инхэр мы гъэм къапоплъэ. Къаудыгъу Заур.
Поделиться:
Читать также:
25.03.2024 - 17:01 →
ЛIыхъужьым и щIыхькIэ
18.03.2024 - 11:10 →
Дыщэ медалу плIы
17.03.2024 - 12:11 →
Ди ныбжьыщIэхэм дагъэгушхуэ
14.03.2024 - 17:00 →
Емкъужым и гъэсэныр къыхожаныкI
14.03.2024 - 16:30 →
Налшыкдэсхэр ятокIуэ
|