Темботымрэ Каблоевымрэ Италием щытокIуэ

БэнэкIэ

КъБР-м щыщ бэнакIуэхэм Италием и чемпионатым бжьыпэр щаубыдащ. Килограмм 67-рэ зи хьэлъагъхэм алыдж-урым бэнэкIэмкIэ щызэпеуахэм яхэтащ Каблоев Заур. Абы и хьэрхуэрэгъухэм зы балл яримыгъэхьыу хигъащIэри, Италием и чемпион хъуащ. 
БэнэкIэ хуитымкIэ зи хьэлъагъыр килограмм 86-м нэблагъэхэм я деж утыку къыщихьа Тембот Ахьмэдхъани къыпэщIэува дэтхэнэми Iэмал лъэпкъ яритакъым къефIэкIыну. А текIуэныгъэхэм ди щIалэхэм Iэмал къратащ мыгувэу екIуэкIыну дунейпсо зэхьэзэхуэхэм хэтыну. 

НАФIЭДЗ Мухьэмэд.
Поделиться:

Читать также: