Улъэщмэ… улъэщщЕкатеринбург къалэм иджыблагъэ щекIуэкIащ Урысей Федерацэм зи Iэпкълъэпкъым сэкъат зиIэхэм пауэрлифтингымкIэ я чемпионат. Абы кърихьэлIащ къэралым и спортсмен 200-м щIигъу, къитащ КъБР-м СпортымкIэ и министерствэм и телеграмм-каналым. Зэхьэзэхуэм кърикIуахэр зэхалъхьэжа нэужь, гуп зэпеуэхэм Къэбэрдей-Балъкъэрым етIуанэ увыпIэр къыщихьащ. Ди командэм и тренер нэхъыщхьэ Кугъуэт СулътIан килограмм 72-рэ зи хьэлъагъхэм я деж дыщэ медалыр щызыIэригъэхьащ. Абы IэпщэкIэ къиIэта килограмми 174-рэ зи хьэлъагъ гъущI кIапэр къэзыIэтыфын зыхэта гупым къахэкIакъым. ИужькIи, бгъэдыхьэгъуищми зэхэту къиIэтам хуэдиз хьэлъагъыр зыми хузэфIэкIакъым икIи абдежми ди щIалэр япэ хъуащ, УФ-м спортымкIэ и мастер цIэ лъапIэри къыфIащащ. ГъукIэлI Ислъам и хьэлъагъ елъытауэ зыхэта гупым (кг 107-рэ) щытекIуащ, килограмм 210-рэ къиIэтри икIи Урысейм тхуэнейрэ и чемпион хъуащ. Таукенов Аланрэ Хъубий Мэжидрэ дыжьын медалхэр къахьащ. Иджы екIуэкIа зэхьэзэхуэм щытекIуахэр УФ-м и Паралимп командэ къыхэхам хагъэхьащ икIи мы гъэмахуэм дунейпсо чемпионату Куржым щекIуэкIынум зыкъыщагъэлъэгъуэнущ.
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 20:03 →
Уанэш зэхьэзэхуэшхуэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
|