2024 гъэм и IуэхущIапIэ нэхъыфIЕрыскъыхэкIхэмрэ псыхэкIхэмрэ елэжь IуэхущIапIэхэм я «Продэкспо» дунейпсо гъэлъэгъуэныгъэм, Мэзкуу къалэм иджыблагъэ щекIуэкIам, хэтащ джэдкъаз зыгъэхъу, джэдкъазылым елэжь «Къэббалъкъджэд» ООО-р икIи ехъулIэныгъэфIхэр абы щызыIэригъэхьащ. Гъэлъэгъуэныгъэм кърашэлIа ерыскъыхэкIхэмрэ псыхэкIхэмрэ яIэ фIагъхэмкIэ иджыри зэпрагъэуащ. Республикэм икIа IуэхущIапIэм абы ишат ерыскъыхэкI лIэужьыгъуэ зыбжанэ, псалъэм къыдэкIуэу, нэкулъхэкI зэмылIэужьыгъуэхэр, икIи дамыгъэфIхэр абыхэм къыхуагъэфэщащ. «2024 гъэм и ерыскъы нэхъыфI» зэпеуэм щагъэлъэгъуахэм я фIагъыр къэзыпщытахэм «Къэббалъкъджэдым» щащIауэ абы яшахэм ящыщу 9-м дыщэ медалхэр къахьащ. Апхуэдэуи, щхьэхуэу екIуэкIа «ЕрыскъыщIэ» зэхьэзэхуэми япэ увыпIэр къыщихьащ IуэхущIапIэм иджы къыщIигъэкIын зыщIидзэ нэкулъхэкI лIэужьыгъуэщIэм. А псом къадэкIуэу, гъэлъэгъуэныгъэм кърихьэлIахэу ерыскъыхэкIхэр зыIузыгъэхуахэм, абыхэм я фIагъыр къэзыпытахэм къабгъэдэкIыу «Къэббалъкъджэд» ООО-м къратащ «2024 гъэм и IуэхущIапIэ нэхъыфI» Кубокыр.
Поделиться:
Читать также:
28.04.2024 - 17:33 →
Псыхэр къабзэ хъун папщIэ
28.04.2024 - 13:01 →
Архитекторхэм я зэфIэкIхэр
28.04.2024 - 11:59 →
Пэрыт увыпIэр адэкIи иIыгъынущ
28.04.2024 - 10:57 →
ПсэупIэщIэхэр - гуфIэгъуэ щIыкIэм тету
27.04.2024 - 16:12 →
ЩIыуэпсым хэт пэлъэщыфар?!
|