Урысейпсо олимпиадэм и щIыхькIэ

Урысейм и телевизионнэ радиовещательнэ сетым и Къэ­бэрдей-Балъкъэр радиотелевизионнэ центрым Налшык и телечэщанэр мэлыжьыхьым и 5-м щхъуэкIэплъыкIэу къы­зэщIигъэблащ. 

Ар хуэгъэзащ щIыуэпсыр хъумэнымкIэ школакIуэхэм я урысейпсо олимпиадэм и кIэух Iыхьэр, 2024 гъэм мэлыжьы­хьым и 5 - 10 махуэхэм екIуэкIынур, къызэрызэIуахым. А зэ­пеуэ иныр щызэхэтынущ Къэ­бэрдей-Балъкъэр Республикэм Сабий творчествэмкIэ и «Дыгъэпс къалэ» унэм. 
Чэщанэм тридзэ нэхум къыхощ олимпиадэм и дамыгъэр, «ЩIыуэпсыр хъумэ­нымкIэ школакIуэхэм я урысейпсо олимпиадэм хэтхэр фыкъыдогъэблагъэ!» псалъэхэр. 
Ар щхъуэкIэплъыкIэ дахэу къэгъэнэхуауэ щытащ сыхьэ­т 19-м къыщыщIэдзауэ жэщыку ­хъуху.