Хамэ къэрал кIуэн папщIэ щIыхуэр зытригъэкIащ

Бахъсэндэс цIыхубзым и пхъум деж щиIэ алимент щIыхуэр ипшынащ хамэ къэралым  кIуэн и мурадыр къызэпымыудын папщIэ.

ЦIыхубзым, балигъ мыхъуа и пхъур ипIын зэрыхуейм ехьэлIа и къалэным зэман кIыхькIэ зыпыIуидзащ икIи  алименту сом мин 320-рэ зытригъэхьащ. 

Анэ  къалэнхэр абы игу къыщыкIыжар   хагъэзыхьа иужьщ - суд приставым  щIыхуэ зытелъым жриIащ ар Урысей Федерацэм икIыну хуит зэрамыщIым теухуа унафэ къызэращтар. Апхуэдэуи ямыгъэIэпхъуэ и мылъкур егъэтхыным ехьэлIа Iуэхури къыпаубыдащ.   

Гъунапкъэхъумэ къулыкъущIэхэм щIыхуэ зытелъыр хамэ къэрал кIуэ рейсым итIысхьэну хуит ищIакъым икIи зытриухуа и зыгъэпсэхугъуэр къызэпыудынкIэ шынагъэ щыIэ хъуащ. Арати,  цIыхубзым къыгурыIуащ сабийм и деж щиIэ къалэныр имыгъэзащIэу къызэрыхуамыдэнур  икIи  щIыхуэр   нэсу  зытригъэкIыжащ.