МедалитI къахьащТхэквондо Ростов щIыналъэм и Шахты къалэм ныбжьыщIэхэм тхэквондомкIэ я урысейпсо зэхьэзэхуэ щекIуэкIащ. Апхуэдэ хъыбар къитащ КИФЩI-м тхэквондомкIэ и федерацэм и секретарь нэхъыщхьэ Къанкъул Беслъэн. Атлетикэ псынщIэмкIэ аренэм къыщызэIуаха зэхьэзэхуэм щызэпеуат илъэс 12 - 14-хэм ит щIалэхэмрэ хъыджэбзхэмрэ. Килограмм 57-рэ хъухэм я деж тхуэнейрэ утыку къыщихьа Къэзанш Къасболэт зэIущIэ нэхъыщхьэм хьэрхуэрэгъу къыщыхуэхъуа, Краснодар крайм щыщ Бутылкин Никитэ хигъащIэри, турнирым щытекIуащ. И хьэрхуэрэгъухэм плIэнейрэ ятекIуа Щоджэн Басир (кг 37-рэ) Дагъыстэным щыщ Шайихмагомедов Абубакр къефIэкIри, дыжьыныр къылъысащ. Къэзанш Къасболэт къигъэлъэгъуа зэфIэкIыр къалъытэри, дунейпсо зэхьэзэхуэм хэтыну Iэмал игъуэтащ. Щоджэным ди къэралым и щIыхьыр Европэм щихъумэнущ. НыбжьыщIэхэр я гъэсэнщ тренерхэу Унэжокъуэ Абдельджабаррэ Ахъмэт Амиррэ.
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
17.04.2024 - 12:56 →
Къапэлъэщын къахэкIакъым
|