«Бгыхэм я таурыхъ» зэпеуэрНалшык дэт универсальнэ спорткомплексым щокIуэкI «Бгыхэм я таурыхъ» зыфIаща, художественнэ гимнастикэмкIэ урысейпсо зэхьэзэхуэр. Апхуэдэ хъыбар къитащ республикэм художественнэ гимнастикэмкIэ и федерацэм и вице-президент Коротковэ Наталье. Зэхьэзэхуэм щагъэджэгуну саугъэтхэм махуитхум къриубыдэу щIэбэнынущ ди къэралым и щIыналъэ 28-м къикIа бзылъхугъэ 550-м нэблагъэ. Гимнасткэхэм топыр, уэрдыхъур, Iэпэ башыр, лентIыр, кIапсэ елъэр зэрагъэIэрыхуэмкIи нэгъуэщIхэмкIи я зэфIэкIым еплъыжынущ. Зэхьэзэхуэр, гъэ къэси хуэдэу, ирагъэхьэлIащ Урысейм и махуэм. Апхуэдэуи, «Локомотив» урысей жылагъуэ спорт зэгухьэныгъэм и саугъэтыр щагъэджэгу. А зэпеуэм ипкъ иткIэ ирагъэкIуэкI «Динамо» спорт зэгухьэныгъэм и щIыналъэ чемпионатри. НАФIЭДЗ Мухьэмэд
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 20:03 →
Уанэш зэхьэзэхуэшхуэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
|