Илъэси 10-кIэ ягъэтIысынкIэ мэхъу

8 сентября, 2023 - 12:54
Илъэси 10-кIэ ягъэтIысынкIэ мэхъу 
Урысей ФСБ-м и управленэу КъБР-м щыIэмрэ КъБР-м щыIэ МВД-мрэ я лэжьакIуэхэм экономикэ щIэпхъаджагъэхэм пэщIэтынымкIэ Iуэхухэр щрагъэкIуэкIым къыщIагъэщащ республикэм и Прохладнэ районым щыIэ коммерческэ IуэхущIапIэм и сэбэп хэлъу щIыуэпс газ зэридыгъуар. 
Апхуэдэ хабзэншагъэм кърикIуащ сом мелуан 24-рэ хэщIыныгъэ. 
Урысейм и Следственнэ комитетым и Следственнэ управленэу КъБР-м щыIэм уголовнэ Iуэху къиIэтащ УФ-м и УК-м и 158-нэ статьям и 4-нэ Iыхьэм и «б» пунктым ипкъ иткIэ. Хабзэм къызэригъэувымкIэ, апхуэдэ щIэпхъаджагъэр зылэжьар илъэси 10-кIэ ягъэтIысынкIэ мэхъу. 
НаркотикхэкI грамм 383-м щIигъу
 НаркотикхэкIхэр хабзэм ебакъуэу къамыщэхун-ямыщэным зэрыпэщIэт Iуэхухэр Урысей ФСБ-м и управленэу КъБР-м щыIэм, КъБР-м щыIэ МВД-м я лэжьакIуэхэм ирагъэкIуэкIыу, къыщIагъэщащ республикэм афиянхэкIхэр куэду къихьэныр къызэгъэпэщыным пыщIам илэжь щIэпхъаджагъэр.
Хамэ къэрал щыщ цIыхухъум къытрахащ иригъэкIыну зыхэта героин грамм 383-м щIигъу. 
Налшык къалэ судым и унафэ къару зыгъуэтам ипкъ иткIэ, а цIыхур къуаншэу къалъытащ УФ-м и УК-м и 30-нэ статьям и 3-нэ Iыхьэм, 228.1 статьям и 4-нэ Iыхьэм и «г» пунктым къыщыхьа щIэпхъаджагъэр зэрилэжьамкIэ икIи илъэси 6-кIэ ягъэтIысащ. 
Сом мелуани 10 зыкIэщIиупщIащ
 Урысей ФСБ-м и управленэу КъБР-м щыIэмрэ КъБР-м щыIэ МВД-мрэ я лэжьакIуэхэм экономикэ щIэпхъаджагъэхэм япэщIэтынымкIэ Iуэхухэр щрагъэкIуэкIым, къыщIагъэщащ Налшык къалэм щыпсэу цIыхубзыр щылажьэ IуэхущIапIэм и мылъкум зэрыхэIэбар. Абы къигупсыса лэжьакIуэ нэпцIхэм яхуиутIыпщащ сом мелуани 10-м щIигъу.
Уголовнэ Iуэху къаIэтащ УФ-м и УК-м и 187-нэ статьям и 1-нэ Iыхьэм къыщыхьа щIэпхъаджагъэр илэжьауэ ягъэкъуаншэу. Апхуэдэу хабзэм ебэкъуар илъэси 6-кIэ ягъэтIысынкIэ мэхъу.
Зыгъэхьэзырар УАРДЭ Жантинэщ.
  • 21 просмотр
Поделиться: