КъБР-м и Iэтащхьэр Урысей печатым и махуэмкIэ IэнатIэм пэрытхэм зэрехъуэхъур

Къэбэрдей-Балъкъэр Республикэм и цIыхубэ хъыбарегъащIэ IэнатIэм и лэ­жьакIуэхэу, лэжьыгъэм и ветеранхэу пщIэ зыхуэсщIхэ!
Сигуми си псэми къабгъэдэкIыу сы­нывохъуэхъу Урысей печатым и махуэмкIэ!
А махуэщIым зэрешалIэ жылагъуэ гупсысэр зыузэщI, властымрэ цIыху­бэмрэ зэпызыщIэ IэщIагъэлIхэр. Къэ­бэрдей-Балъкъэрым и хъыбарегъащIэ IэнатIэм щызэфIах Iуэху зехьэкIэм и мардэхэщ республикэм къыщыхъу Iуэхугъуэхэр, журналист щэным тету, пэжыр, захуагъэр я лъабжьэу икIи и чэзум жылагъуэм хэIущIыIу щы­щIы­ныр.
Мы лъэхъэнэм дэ дыхэтщ хъыбарегъащIэ IэнатIэхэми я зэпэщIэувэныгъэм. Абы къыхэкIыу хъыбарегъащIэ IэнатIэхэм я лэжьакIуэхэм гулъытэ хэ-ха хуащIын хуейщ жылагъуэ гупсысэр убзыхуным, хэкупсэ зэпIэзэры­ты­ны­гъэр щытепщэу щытыным, республикэм ис лъэпкъхэм къадекIуэкI щэнхабзэр, хабзэхэр сакъыу хъу­мэ­ным. Мы­хьэнэшхуэ иIэщ дэтхэнэ цIыхуми и деж социальнэ IэнатIэм, экономикэм ще­кIуэкI IуэхугъуэфIхэм, нэхъыщ­хьэ­ра­щи, Къэбэрдей-Балъкъэрым и цIыху пажэхэм, абыхэм зыIэрагъэхьэ ехъу­лIэныгъэхэм ятеухуа хъыбархэр нэ­хьэсыным.
Си фIэщ мэхъу дэтхэнэ журналист-ри а Iуэхугъуэхэр зэфIэхынми и пщэ­рылъ къалэнхэр гъэзэщIэным епха псоми жэуаплыныгъэ лъагэ зыхищIэу зэрыпэрытыр.
Сыхуейщ гурэ псэкIэ фIыщIэ фхуэс­щIыну вбгъэдэлъ Iэзагъым, журналист IэщIагъэм фызэрыхуэпэжым папщIэ. Шэч къытесхьэркъым жылагъуэмрэ зэманымрэ къыфхуагъэув къалэнхэр дяпэкIи екIуу, къызыхуэтыншэу зэры­зэфIэфхынум.
Си гуапэщ узыншагъэ быдэ, зэпэ­щыныгъэ, творческэ жыджэрагърэ ехъу­лIэныгъэщIэхэмрэ фиIэну.