Мейкъуапэ зыхуагъэхьэзыр

4 февраля, 2024 - 08:00

Кисловодск къалэм иджыблагъэ щекIуэкIащ Ставрополь крайм кикбоксингымкIэ и чемпионатрэ пашэныгъэр къэ­хьыным хуэунэтIа зэхьэзэхуэрэ. Хэгъэрейхэм нэмыщI, зэпеуэхэм хэтащ Къэбэрдей-Балъкъэрым, Къэрэшей-Шэрджэ­сым, Осетие Ищхъэрэ - Аланием, Ростов областым я лIыкIуэ­хэр, я ныбжькIэ илъэсий хъухэм къыщыщIэдзауэ нэхъыжь­хэмрэ. 

ГъэщIэгъуэну икIи удэзыхьэхыу екIуэкIа зэIущIэхэм ди республикэм и спортсменхэм дыщэ медалу 36-рэ къыщахьащ икIи гуп зэхьэзэхуэм етIуанэ увыпIэр щаубыдащ. 
КъБР-м и командэр ягъэхьэзыращ БецIыкIу Ибрэхьим, Апа­жэ Рашид, Сасыкъ Анзор, Къудейхэ Алимрэ Залымрэ, Шэрий Мурат, ШащIэ Арсен сымэ.
Иджы ди республикэм и спортсменхэм къапэщылъщ ма­заем и 8 - 11- хэм щIыналъэхэм я зэхьэзэхуэу Мейкъуапэ къалэм щекIуэкIынум зыкъыщагъэлъэгъуэну. 

 ХЬЭЩЫКЪУЕЙ  Олег.

  • 41 просмотр
Поделиться:

Читать также:

25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр