Ахъмэтыр ягу къагъэкIыж

Социалист Лэжьыгъэм и ЛIыхъужь, Шэджэм, Бахъ­сэн, Аруан щIыналъэхэм я япэ секретару лэжьа Ахъмэт Мусэбий къызэралъху-рэ илъэси 100 зэрырикъур Iэтауэ щагъэлъэпIащ Кэнжэ дэт «Пять колец» спорт IуэхущIапIэм.

 КъБР-м и Iэтащхьэ КIуэ- кIуэ Казбек Ахъмэтым теу­хуауэ къигъэхьа тхыгъэм къеджащ КъБР-м и Iэтащхьэм и Администрацэм и унафIэщI Къуэдзокъуэ Мухьэмэд. КIуэ­кIуэ Казбек и тхыгъэм итт Ахъмэтыр Хэку зауэшхуэм зэрыщыIар, взводым и ко­мандиру, офицеру зэры­щытар. Къэмылэнджэжу фашистхэм зэрезэуам и щы­хьэтщ адыгэ щIалэм кърата «Вагъуэ плъыжь» орденыр, медалхэр. Абы къыщигъэ­зэжар 1947 гъэрщ. И адэжь щIыналъэм къызэрысыжуи лэжьапIэ къратащ. ЯпэщIы-кIэ комсомол Iуэхум пыщIауэ щытащ. Жыджэру зыкъэзыгъэлъэгъуа щIалэм иужьк­Iэ къыхуагъэфэщащ парт Iэ­натIи. Обкомым и инструктору, къудамэм и унафэщIу лэ­жьащ. И Iуэху зехьэкIэр къабыл зэращIам и нэщэнэу, 1952 гъэм абы и пщэ далъхьэ жэуа­плыныгъэшхуэ зыпылъ къалэн: илъэс 30 фIэкIа и ныбжьыр ­мыхъуауэ,  партым  и   Шэджэм, кIэлъыкIуэу Бахъ­сэн, итIанэ Аруан райкомхэм  я япэ секретару зэрыщытар.
Ахъмэтым и цIэкIэ къызэ­рагъэпэща топджэгу зэхьэ­зэхуэмкIэ пащащ зэхыхьэм. Япэ увыпIэр къахьащ Нал-шык и «Спартак» клубым  хэт ныбжьыщIэхэм. ЕтIуанэ ­хъуащ Налшык дэт топ джэгу школым и гъэсэнхэр, еща-нэщ Шэджэм къалэм къикIахэр. ЕплIанэр яубыдащ Нарткъалэ щыщ ныбжьыщIэхэм.
Ахъмэт Мусэбий и къуэ­рылъ­ху Аслъэнбэч топ зэ­хьэ­зэхуэм къыщыхэжаныкIа ­ныб­жьыщIэ пщыкIухыр сом мин тIурытIкIэ игъэпэжащ.
ЗэIущIэм и кIэухым ягъэ­лъэгъуащ Ахъмэт Мусэбий и фэеплъу траха фильмыр.
Фильм нэужьым къэпсэ­лъащ Ахъмэт лъэпкъым я ­нэхъыжь Хьэбас. Ар теп­сэ­лъыхьащ Мусэбий хэлъа ­хьэл-щэн дахэм, цIыхугъэм. Абы фIыщIэ яхуищIащ къы­зэхуэса псоми. ГъэщIэгъуэнт уедэIуэну Мусэбий фIы ды- дэу зыцIыхуу щыта Тау Пщыкъан, ЛIуп Владимир, КIыщ Мухьэдин, Къэзанш Валерэ сымэ я гукъэкIыжхэр.