Календарь событий

Нартан къуажэм щыпсэухэри УФ-м и Президентым и хэхыныгъэхэм жыджэру хэтащ. Курыт еджапIэ №1-м къыщызэIуаха хэхыпIэ №315-м (цIыху мини 3-м нэблагъэ къызэщIэзыубыдэм) цIыхухэм жыджэру Iэ щаIэтащ.

Ди республикэм Iэ зыIэтыну къызытехуэу исыр цIыху мин 543-рэ щхьэкIэ, бжыгъэр куэдкIэ нэхъыбэ ящIащ зыгъэпсэхуакIуэ къэкIуауэ ди лъахэм щыIэхэм. «Курорт «Налшык» АО-м и хьэщIэщ-зыгъэпсэхупIэм къыщызэIуаха 103-нэ хэхыпIэм щызэхуэсар бэт. КъБР-м курортхэмрэ туризмэмкIэ и министр ЩоджэнцIыкIу Мурат я пашэу республикэм щыхьэщIэ, Урысей Федерацэм и къалэ зэмылIэужьыгъуэхэм къикIа цIыхухъухэмрэ бзылъхугъэхэмрэ жыджэру хэтащ хэхыныгъэхэм. «Ди къэралым дежкIэ мыхьэнэшхуэ зиIэ Iуэхум япэ махуэм щегъэжьауэ гулъытэ ин хуащIащ ди цIыхухэм.

Урысей Федерацэм щIэуэ къыхагъэхьэжа щIыналъэхэми зыхуей хуэзэу щокIуэкI президент хэхыныгъэхэр. Къэбэрдей-Балъкъэр Республикэм и нэIэ щIэту зэрагъэпэщыж Херсон областым щыIащ ди лIыкIуэхэр. КъБР-м и Iэтащхьэ КIуэкIуэ Казбек и унафэкIэ, Херсон хэгъэгум и Скадовскэ районым кIуа гупым я пашэ, КъБР-м и Правительствэм и УнафэщIым и къуэдзэ – КъБР-м и министр Къуэшрокъуэ Залым жиIащ: «Тхыдэ и лъэныкъуэкIэ уриплъэжмэ, япэм щыIа щытыкIэр зэфIэувэжу аращ. Дэ зэкъуэш лъэпкъхэм ижь-ижьыж лъандэрэ тхыдэ гъуэгуанэ къызэдэткIуащ.

Тэрч районым хыхьэ Къаншыуей (Курп Ищхъэрэ) къуажэми мы дакъикъэхэм УФ-м и президент хэхыныгъэхэр жыджэру щокlуэкl.

Налшык къалэм и хэхыпIэхэм щыпащэ УФ-м и Президентым и хэхыныгъэхэм. Курыт еджапIэ №28-м къыщызэрагъэпэща хэхыпIэ №180-м и кIэлъыплъакIуэ гупым и унафэщI Iэщын Светланэ къызэрыджиIамкIэ, дунейр зэрымыуэфIми емылъытауэ, Iуэхум цIыхухэр жыджэру хэтщ. Мы хэхыпIэм цIыху мини 2-м щIигъу къызэщIеубыдэ. Къэбгъэлъагъуэмэ, япэ махуэм абы и процент 50-м щIигъу IэIэтым хэтащ.

Нобэ ди республикэм фIыкIэ и цIэ къыщраIуэ адыгэ шууейхэм я «Шухасэ» жылагъуэ зэщIэхъееныгъэм. Ар къы­зэрыунэхуа щIыкIэмрэ абы хэтхэм кърахьэлIэ Iуэху щхьэпэхэмрэ тыдогъэ­псэлъыхь хасэм и Iэтащхьэ Къудей ­Аслъэн.

Дзэлыкъуэ щlыналъэм щылажьэ хэхыпlэхэм цlыхухэр куэду йокlуалlэ. Я къалэн ягъэзащlэ, къыхузэрагъэпэщ концертхэми я гуапэу йоплъ. Унагъуэ-унагъуэурэ lэ яlэт, зэлэжьэгъухэр зэщlыгъуу lуэхум зэдыхэтщ. Щlыналъэм и къуажэхэм щыщ нэхъыжьхэри, илъэс 18 ирикъуа щlалэгъуалэри хэхыпlэхэм йокlуалlэ жыджэру. Унэм къыщlэкlыну lэмал зимыlэхэм я деж йоблагъэ хэхакlуэ комиссэм хэтхэр.

Налшык къэрал концерт гъэлъэгъуапlэм щылажьэ lэ щаlэт щlыпlэм къэралым и Президентыр щыхахыну гупыж ящlащ КъБР-м щыlэ лъэпкъ-щэнхабзэ центрхэм я лlыкlуэхэм.

Гъатхэпэм и 3-м Новгород Ищхъэрэм щызэхуащIыжащ 2010 - 2011 гъэхэм къалъхуа ныбжьыщIэхэм папщIэ «Футбол цIыкIур - школым» урысейпсо Iуэхум и кIэух Iыхьэр. Къэбэрдей-Балъкъэрым и лIыкIуэу а зэхьэзэхуэм хэтащ Налшык ­къалэм и курыт еджапIэ №33-м и гупыр, Бэлэтокъуэ Астемыррэ Атэлыкъ Азрэтрэ я гъэсэнхэр.

ЦIыхубэ къафэхэмкIэ щапхъэу къалъыта «Дети гор» («Куршхэм я бын») сабий ансамблыр къызэрызэрагъэпэщрэ илъэс 40 ири­къуащ. 

Налшык дэт Ткаченкэ Андрей и цIэр зезыхьэ ­ГъуазджэхэмкIэ музейм Нарткъалэ щыщ су­рэтыщI Чернощёковэ Ольгэ и IэдакъэщIэкIхэр щагъэ­лъагъуэ. Ар IэщIагъэм зэрыхэтрэ илъэс 30 зэрырикъуам теухуащ. Чернощёковэр сурэты­щIу, утыкур гуащэхэмрэ хьэпшыпхэмкIэ игъэ­щIэращIэу щолажьэ Нарткъалэ дэт ЩIалэ­гъуалэ теат­рым, Сабий художественнэ школым, Налшык щыIэ Къэзанокъуэ Жэбагъы и цIэр зе­зыхьэ ГъуазджэмкIэ школ №2-м гъуазджэр щре­гъэдж.