Жьыхулъатэр къагъэсэбэпу

1 февраля, 2024 - 14:35

«Узыншагъэ» лъэпкъ пэхуэщIэм ипкъ иткIэ лажьэ «ЦIыхум ират япэ медико-санитар дэIэпыкъуныгъэм зегъэужьыныр» щIыналъэ пэхуэщIэм хыхьэ Iуэхугъуэу санавиацэмкIэ Iуэхутхьэбзэу ялэжьыну 2023 гъэм къапэщыта къалэнхэр яубзыхуахэм щIигъуу ягъэзэщIащ.
ЩытыкIэ къызэрымыкIуэм ихуа цIыхухэм япэ медицинэ дэIэпыкъуныгъэ етыным хуэщIа авиацэр къагъэсэбэпу щIыналъэм и сымаджэщхэм цIыху 67-рэ ягъэIэпхъуащ. Абыхэм яхэтщ автомобиль зэжьэхэуэхэм фэбжь хэзыхахэр, сымаджэ хьэлъэхэр, альпинистхэр, Iуащхьэмахуэ лъапэ зыщызыгъэпсэхуу къэхъукъащIэ мыщхьэпэхэм хэхуахэр, нэгъуэщIхэр.
Нэхъыбэу ахэр здрашэлIар жьыхулъатэ къэтIысыпIэ зиIэ, Налшык къалэм дэт Республикэ клиникэ сымаджэщырщ. Жьыхулъатэр иджырей мардэм къитIасэ медицинэ оборудованэхэмкIэ къызэгъэпэщащ, гъуэгу тету цIыхум еIэзэфын, реанимацэ Iэмалхэр ирахьэлIэфын, и Iэпкълъэпкъыр зэрыщыту абыдеж къыщапщытэфын хуэдэу.
 

 

ХЬЭЩЫКЪУЕЙ Олег.
  • 33 просмотра
Поделиться: