|
Жылагъуэ
30 августа, 2023 - 15:21
Ди къэралыр Iулъхьэхэм пэщIэтыным егъэщIылIа лъэхъэнэщIэм хохьэ. Загъэпсэхун и пэкIэ Къэрал Думэм и депутатхэм къыхалъхьащ сом мини 10-м нэс Iулъхьэ къеIызых къулыкъущIэхэм тралъхьэ тезырыр ягъэткIиину. Зыхуэфащэ зэгъэзэхуэжыныгъэхэр хабзэм хагъэхьэмэ, иджы апхуэдэ щIэпхъаджагъэ зылэжьахэр илъэси 3-м къыщыщIэдзауэ 4-м нэскIэ ягъэтIысынкIэ хъунущ, я мылъкури къытрахынущ.
30 августа, 2023 - 14:40
Каменкэ жылагъуэм зыхуей щыхуагъэзащ Хэку зауэшхуэм хэтахэм я фэеплъымрэ абы и хъуреягъымрэ.
Абы пэгъунэгъуу щыщIалъхьащ а къуажэр нэмыцэ зэрыпхъуакIуэхэм къыщыIэщIахыжым хэкIуэда зауэлIхэр. Ахэр 8 хъурт. Фэеплъым тетхауэ тетщ абыхэм я цIэхэмрэ унэцIэхэмрэ.
IэщIагъэлIхэр йолэжь Шэджэм къалэм дэт фэеплъми. Абы къызэщIиубыдэ скульптурэ гупым я къэгъэщIэрэщIэжыным зэман нэхъ текIуэдэнущ. Лэжьыгъэхэр ирагъэкIуэкI Хэку зауэшхуэм хэкIуэдахэм я фэеплъхэмрэ я кхъащхьэхэмрэ зэIузэпэщ щIыным теухуауэ Урысейм ЗыхъумэжыныгъэмкIэ и министерствэм къыхилъхьа Iуэхум хиубыдэу.
30 августа, 2023 - 13:16
Уасэхэр
Дэ десэжащ ди къэралым уасэхэр зэрыщыдэкIуейм. Уеблэмэ, дыпоплъэ икIи дыщIэгужьеин щыIэу къэтлъытэркъым. КIэщIу жыпIэмэ, дыхуей-дыхуэмейми, драгъэсащ, драхулIэри. Ауэ зэм-зэм мыпхуэдэ упщIэ дигу къокI: Сыт щхьэкIэ? Сыт, псалъэм и хьэтыркIэ, щIыдагъэр щылъапIэм и мызакъуэу щыпудми, бензиным и уасэм зыщIиIэтыр? Щапхъэхэр гъунэжщ. А упщIэр сыт щыгъуи жэуапыншэу къонэ…
30 августа, 2023 - 12:11
Сирием щыпсэу, дзэ-хьэуа къарухэм я полковник-кхъухьлъатэзехуэ, тхыдэтх, щIэныгъэлI-къэхутакIуэ Къэбэрдей Аднан и лъэпкъэгъухэм ятеухуа тхылъ пщIы бжыгъэхэр и Iэдакъэ къыщIэкIащ.
30 августа, 2023 - 09:55
«Бизнес-спринт» ( Сэ спортыр къыхызох) къэрал пэхуэщIэм хиубыдэу Шэджэм къалэм дэт курыт еджапIэ №1-м и пщIантIэм щаухуэ «спорт утыку губзыгъэ» зыфIащар. Ар тренажёрхэмкIэ къызэрагъэпэщынущ, къэжыхьыпIэ, футбол, волейбол, баскетбол джэгупIэхэр иIэнущ. Иужьрейхэр къращIыкIынущ цIыхур фэбжьхэм щызыхъумэ иджырей лъащIэхэмкIэ.
Иджыпсту ухуакIуэхэм и кIэм нагъэс утыкум и лъабжьэр. Ар зэрызэфIэкIыу Iэмэпсымэхэр ягъэувын щIадзэнущ. Лэжьыгъэ псори зэфIагъэкIынущ фокIадэм ирихьэлIэу.
30 августа, 2023 - 09:53
ТхыгъэщIэ
Адыгейм къыщыдэкIа «Пациент №132, или Живи здесь и сейчас» повестыр зытхахэу философие щIэныгъэхэмкIэ доктор Щауэ Асфаррэ юридическэ щIэныгъэхэмкIэ кандидат Щауэ Ибрэхьимрэ тхылъеджэхэмрэ литературоведхэмрэ щаIущIащ Налшык къалэм и библиотекэ №1-м. Ар къызэригъэпэщащ филологие щIэныгъэхэмкIэ кандидат, Щэнхабзэ зыужьыныгъэмкIэ центрым щылажьэ «Часть речи» литературэ студием и унафэщI Битокъу Маринэ.
29 августа, 2023 - 14:44
ЦIыхум и цIэм куэд къыбжеIэ. ЩIэныгъэлIхэм къызэралъытэмкIэ, дэтхэнэми зэрихьэ цIэм езыр хуэфэщэжу, ар зэрызэхэт макъхэм я IукIэм ещхь гуэр хэлъу щытщ. Адыгэхэм гулъытэшхуэ хуащIу щытащ дунейм къытехьа сабийм хуэкIуэ цIэ фIэщыным. ЦIэхэр къызэрыхахыр лIыхъужьыгъэ зыхэлъ цIыху губзыгъэхэм я фэ ираплъурэт е къыщалъхуа зэман, зрихьэлIа къэхъукъащIэ иралъытурэт. Дауэ хъуми, сабийм фIащыну цIэм япэм нэхъ егугъуу икIи нэхъ хуэсакъыу щытащ.
29 августа, 2023 - 08:00
Къэбэрдей-Балъкъэрым къыщызэIуахынущ «Kavkazland» нэгузегъэужьыпIэ парк. Ар туризмэм, спортым, узыншагъэр щрагъэфIэкIуэж IэнатIэм, этнографием, нэгъуэщI унэтIыныгъэхэми заужьыным хуэгъэзауэ щIыналъэм къыщрахьэжьэну Iуэху щхьэпэхэм ящыщ зыщ. НэгузегъэужьыпIэ паркыр щаухуэнущ Май къалэм.
28 августа, 2023 - 15:39
ЦIыху куэдыр иджыпсту топсэлъыхь хы ФIыцIэм и къабзагъэм шэч къытрахьэу. Ар щалъагъу дунейм и къэхъукъащIэхэм я зэранкIэ иужьрей илъэс зыбжанэм псым куэд зэрызэтрикъутэм.
- Сочэ и курортхэм я зэфIэкI псори ирахьэлIэ цIыхухэм я зыгъэпсэхугъуэ зэманыр шынагъуэншэу къызэгъэпэщыным. Мы илъэсым зэрыщIидзэрэ УФ-м и «Роспотребнадзор» IуэхущIапIэм и лэжьакIуэхэм мини 3-рэ къапщытащ физико-химие, бактерие я лъэныкъуэкIэ псым и щытыкIэр, - къет къалэ администрацэм и хъыбарегъащIэ IэнатIэм.
28 августа, 2023 - 14:39
Дунейм зэрызихъуэжым ехьэлIа къэхутэныгъэхэмрэ лъэпкъ шынагъуэншагъэмкIэ NАSА-мрэ CERN-мрэ жэуап зыхь я щIэныгъэлI нэхъыщхьэ Чолакян Эгон шыщхьэуIум и 19-м къэпсэлъащ эфир занщIэкIэ.
Страницы
|