КIэртIофри яхуэбэгъуат

Кавказ Ищхъэрэм СтатистикэмкIэ и управленэм иджыблагъэ къызэритамкIэ, ди республикэм и мэкъумэш, уней, я щхьэ хуэлэжьэж IуэхущIапIэхэм, унагъуэхэм псоми зэхэту 2023 гъэм кърахьэлIэжащ кIэртIоф тонн мини 154,6-рэ, е 2022 гъэм щыIа бжыгъэхэм проценти 101,1-кIэ хуэкIуэу. 
Къэбэрдей-Балъкъэрым илъэс къэс гектар мини 7-м щIигъу кIэртIофым щыхухах. Илъэс блэкIам кIэртIофу ику иту гектар къэс центнер 212,2-рэ къытрахащ. 
Къэбгъэлъагъуэмэ, кIэртIоф къатIыжам и нэхъыбэр къыщагъэкIар унагъуэхэрщ, псори зэхэту абыхэм къалъос процент 90,4-рэ, мэкъумэш IуэхущIапIэхэм – проценти 5,3-рэ, адрей къэнар фермерхэмрэ уней IуэхущIапIэхэмрэ ейщ.