Iэщрэ джэдкъазу иIэм хохъуэ

Кавказ Ищхъэрэм СтатистикэмкIэ и управленэм къызэритамкIэ, 2024 гъэм щIышылэм и 1-м ирихьэлIэу Iэщ лIэужьыгъуэу, джэдкъазу республикэм иIэм къыхэхъуащ икIи 2023 гъэм и апхуэдэ зэманым щыIа бжыгъэхэм нэхърэ нэхъыбэщ. 
Псалъэм къыдэкIуэу, дызэрыт илъэсым и япэ махуэхэм Iэщышхуэм я бжыгъэр мин 277,3-рэ хъуащ, ипэ ита илъэсым зэрыщытам проценти 101,6-кIэ хуэкIуэу. Абы щыщу жэму мини 146,3-рэ (проценти 4,7-кIэ хэхъуащ) яIэщ. Мэлымрэ бжэнымрэ я щхьэ бжыгъэр процент 14,3-кIэ хэхъуащ, джэдкъазым проценти 10,8-кIэ. 
Iэщымрэ джэдкъазымрэ псори зэхэту тебгуашэу щытмэ, процент 70,3-р унагъуэхэм щаIыгъщ, абы щыщу процент 65-р жэмщ, процент 43-р – мэлымрэ бжэнымрэщ, процент 43,2-р джэдкъазщ. Уней IуэхущIапIэхэм, фермерхэм яIыгъыр процент 17,4-рэ хъууэ аращ. Абы щыщу процент 22-р жэмщ, мэлымрэ бжэнымрэ процент 35-рэ, джэдкъазыр процент I2 мэхъу.