Жылагъуэ

Адыгэ щIалэ Чупэ Окан нэхъыбэ дыдэу зытепсэлъыхьын фIэфIыр зекIуэрщ. Дауи, хамэ къэрал паспорти 8 зиIэ, къэралыгъуэ 56-м щыIа лIым жиIэжын и куэдщ. Абы щIыпIэ куэдым ныбжьэгъухэр щиIэщ, щIыналъэ зэмылIэужьыгъуэхэр щIэх-щIэхыурэ зыщIегъэхьэ. Илъагъу псори тхылъымпIэм третхэ, ахэр цIыхухэм яхуиIуэтэнуи фIэфIщ. Абы и IэдакъэщIэкIхэр зы цIыху гуэрым хуитх хуэдэщ, абы къыхэкIыу, еджэу хъуам езыхэм яхуэгъэзауэ фIэкIа къащымыхъуу, яфIэгъэщIэгъуэну зэIэпах. Тхэным и закъуэкъым Окан дэзыхьэхыр, атIэ куэд дыдэ щIеджыкI, сурэт дахэу трех, пшынэ Iэзэу йоуэ. 

Лышх узыфэхэмкIэ Ростов къалэм дэт IуэхущIапIэм и дохутырхэм къраIуащ цIыхубзым и бгъэр лышхым зэриубыдам и нэщэнэ 11. 

Москва Ломоносовым и цIэр зэрихьэу дэт университетым и Ботаническэ хадэм хэтщ «Аптекарскэ хадэ цIыкIукIэ» зэджэр. Абы щIэх-щIэхыурэ щрагъэкIуэкI щIым телэжьыхьхэм я гуащIэдэкI телъыджэхэр щагъэлъагъуэ выставкэхэр, иджыблагъэ къызэIуахар, зытеухуар Урысейм къыщагъэкIа къэб нэхъ ин дыдэхэрщ. Выставкэр егъэкIуэкIынымкIэ жэрдэмыр илъэс зыбжанэ ипэкIэ къыхилъхьауэ щытащ къэралым и хадэгъэкI цIэрыIуэ Чусов Александр. Абы иджыблагъэ бжьыпэр щызыубыда къэбитхум я нэхъ иным килограмм 500 и хьэлъагъщ. 

Урысей ФССП-м и Управленэу КъБР-м щыIэм и ЩIалэгъуалэ советым хэтхэм КъБКъУ-м и медицинэ колледжым и студентхэм драгъэкIуэкIащ наркотикхэкIхэр зэхьэлIэным, игъэкIыным узыхуишэ ныкъусаныгъэм,   узыншэу упсэуным  мыхьэнэшхуэ зэриIэм теухуа псалъэмакъ щхьэпэ.

Америкэм и Штат Зэгуэтхэм я зоопаркхэм Китайм ейуэ щаIыгъ пандэхэр (мыщэ лIэужьыгъуэщ) Пекин яшэжынущ. КъэралитIым я зэныбжьэгъугъэм и дамыгъэу ахэр США-м иратауэ щытащ. Иджы абыхэм я зэхущытыкIэм зихъуэжащ икIи, зэрынэрылъагъущи, фIы и лъэныкъуэкIэкъым. 

Урысей Федерацэм Къэрал кIуэцI IуэхухэмкIэ и министерствэм илъэс къэс иригъэкIуэкI «ЦIыхубэ участковэ» урысейпсо зэпеуэм и етIуанэ Iыхьэр Къэбэрдей-Балъкъэрым жэпуэгъуэм и 7-м щаублэнущ.

Япэ Iыхьэми хуэдэу, полицэм и участковэ уполномоченнэхэм ящыщу етIуанэ Iыхьэм щытекIуар наIуэ хъунущ КъБР-м щыIэ МВД-м и сайтым Iэ щаIэткIэрэ.

ЕтIуанэ Iыхьэм хэхуащ зэпеуэм хэтхэм ящыщу 13, республикэм къэрал кIуэцI IуэхухэмкIэ и щIыналъэ IэнатIэ псоми къабгъэдэкIхэр. ЕтIуанэ Iыхьэр республикэм щекIуэкIынущ жэпуэгъуэм и 16 пщIондэ.

Лъэпкъхэм къадекIуэкI хабзэхэр нэхъыбэ дыдэу къыщынаIуэр гуфIэгъуэ зэхыхьэхэм и дежщ, псом хуэмыдэу хьэгъуэлIыгъуэм. Адыгэ хабзэ жытIэ щхьэкIэ, абы хэмылъа куэд зэман-зэманкIэ къыхохьэ. Псалъэм папщIэ, нысащIэхэм щатIагъэ иджырей фащэхэр, нэхъапэм зэрахьахэм куэдкIэ къащхьэщокI, ауэ къежьар къежьащ, емыкIу дыдэу щымытмэ, цIыхури хуэмурэ псоми ирагъэсэж.

Налшык къалэм и 37-нэ сабий садым и лэжьакIуэ Борэн Аринэ Iуэху щхьэпэ иришэжьащ, Къэбэрдей-Балъкъэрым Лъэпкъ IуэхухэмкIэ и министерствэм къызэригъэпэща зэпеуэм саугъэт къыщихьа нэужь. Ар ядолажьэ я тхьэкIумэм зэхимыхыу къалъхуа, зэрыдаIуэ Iэмэпсымэ зи щхьэм хэлъ сабийхэм.

Къэбэрдей-Балъкъэрым Транспортымрэ гъуэгу хозяйствэмкIэ и министерствэм и пресс-IуэхущIапIэм иджыблагъэ къызэритамкIэ, Вольнэ Аул, Хьэсэней, Джэрпэджэж, Къэщкъэтау жылэхэр зэпызыщIэ гъуэгур мы махуэхэм зэрагъэпэщыж. Абы текIуадэ мылъкур къыхэкIащ республикэм и гъуэгу фондым. Иджыпсту лэжьыгъэхэр щекIуэкI, километри 3,9-рэ зи кIыхьагъ, Хьэсэней Аттоевым и цIэр зезыхьэ уэрамым уахуешэ къуажэм дэт етIуанэ къалэ сымаджэщым, амбулаторэм, ЩэнхабзэмкIэ унэм, мэжджытым, нэгъуэщIхэми.