Дунейм щыхъыбархэр

Нобэ

США-м щагъэлъапIэ Хуитыныгъэм и лъэпкъ махуэшхуэр

1816 гъэм декабристхэм «КъегъэлакIуэхэм я зэгухьэныгъэ» зыфIаща я япэ щэхурылажьэ гупыр къызэрагъэпэщащ.

1829 гъэм Нэгумэ Шорэ Налшык къыщызэIуихащ сабий нэхъ акъылыфIэхэр щрагъэджэну школ.

1923 гъэм СССР-м щыяпэ ахъшэ хъумапIэр Петроград къалэм къыщызэIуахащ.

1924 гъэм Инджылызым СССР-р езым и ухуэкIэ зиIэж къэрал щхьэхуиту зэрыщытыр къилъытащ.

1926 гъэм Къыргъыз АССР-р къызэрагъэпэщащ.

1929 гъэм Къэбэрдей-Балъкъэрым и къэрал хорыр къызэрагъэпэщащ.

1931 гъэм Москва къыщызэIуахащ «Союзкино» фабрикэ нэхъыщхьэр (иужькIэ «Мосфильм» киностудие хъуащ).

1946 гъэм Лъэпкъ Зэкъуэтхэм я Зэгухьэныгъэм (ООН) и япэ секретарь нэхъыщхьэу хахащ Норвегием щыщ политик Ли Трюгве.

1992 гъэм Урысеймрэ США-мрэ Iэ щIадзащ «зауэ щIыIэм и лъэхъэнэ» жыхуиIэр зэриухам теухуа декларацэм.

2003 гъэм уэгум къыщыуащ США-м и «Колумбия» кхъухьыр, махуэ 16-кIэ хьэршым щыIауэ къэкIуэжыр. Абы иса астронавтиблри – цIыхубзит1рэ ц1ыхухъуиплIрэ - хэкIуэдащ. Хьэлъэ ихьурэ, а кхъухьыр хьэршым 28-рэ к1уат.

1857 гъэм къалъхуащ урыс щIэныгъэлI цIэрыIуэ, академик, дохутыр Iэзэ Бехтерев Владимир. Абы и цIэр фIащащ сымаджэщ, еджапIэ нэхъыщхьэ зыбжанэм.

1901 гъэм къалъхуащ США-м щыщ киноактёр цIэрыIуэ, «Оскар» саугъэтыр зыхуагъэфэща, игъэзэщIа роль куэдымкIэ цIыху мелуанхэм я гум къина Гейбл Кларк.

1929 гъэм къалъхуащ КъБР-м щIыхь зиIэ и артист Къардэн Лъостэнбий.

1931 гъэм къалъхуащ урысей къэрал къулыкъущIэ, УФ-м и япэ Президенту щыта (1991 – 1999) Ельцин Борис.

1932 гъэм къалъхуащ медицинэ щiэныгъэхэм я доктор, КъБКъУ-м и профессор Лъэпщокъуэ МутIалиб.

1935 гъэм къалъхуащ археолог, шапсыгъ лъахэдж, узэщIакIуэ ТIэш Мадин.

1935 гъэм къалъхуащ СССР-м и кхъухьлъатэзехуэ-космонавт, Совет Союзым тIэунейрэ и ЛIыхъужь Аксёнов Владимир.

1936 гъэм къалъхуащ Адыгэ Республикэм и цIыхубэ тхакIуэ Куэшбей Пщымахуэ.

1939 гъэм къалъхуащ балетым и къэфакiуэ, СССР-м и Къэрал саугъэтым и лауреат, Совет Союзым и цIыхубэ артисткэ Максимовэ Екатеринэ.

1941 гъэм къалъхуащ совет хоккеист, олимп чемпион, СССР-м спортымкIэ щIыхь зиIэ и мастер Фирсов Анатолий.

1942 гъэм къалъхуащ уэрэджыIакIуэ цIэрыIуэ, РСФСР-м и цiыхубэ артист Лещенкэ Лев.

Дунейм и щытыкiэнур

«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градуси 2 - 4, жэщым щIыIэр градуси 4 - 3 щыхъунущ.

Лъэпкъ Iущыгъэ:

Ахъшэ уиIэмэ, бохъшэ бгъуэтынщ.

Зыгъэхьэзырар ЖЬЭКIЭМЫХЪУ Маринэщ.