Мэрем фIыгъуэм зыхэвмыгъэкIыж

  Алыхьыр арэзы зыхуэхъун Хьэлий Iэбу ТIалиб и къуэм къиIуэтэжащ Бегъымбар лъапIэу щэлатымрэ сэламымрэ зэхам жиIауэ: «Мэрем махуэр зэрыщыту нэмэз щIыгъуэщ. Алыхьым и пщылIу зыкъэзылъытэж зы цIыху щыIэкъым дыгъэм бжым и лъагагъкIэ е нэхъ лъагэу зиIэта нэужь, андез ищтэрэ гу къабзэкIэ къулъшыкъу (духьа) нэмэзым и тIысыгъуитI ищIмэ, Алыхьталэм псапэ 200-м нэс хуимытхыну, Iуэху мыхъумыщIэ 200-м нэс къыхуимыгъэгъуну. ТIысыгъуиплI ищIмэ, Алыхьталэм абы Жэнэтым щиIэну унапIэр дэкIуеипIэ 400-кIэ хуиIэтынущ. ТIысыгъуий ищIмэ, Жэнэтым дэкIуеипIэ 800-кIэ щиIэтынурэ гуэныхьу телъ псори къыхуигъэгъунущ. ТIысыгъуэ 12 зыщIым Алыхьталэм псапэ 1200-рэ хуитхынущ, мыхъумыщIагъэ 1200-рэ къыхуигъэгъунурэ и Жэнэт унапIэр дэкIуеипIэ 1200-кIэ нэхъ лъагэу хуиIэтынущ». 

 Тхьэр арэзы зыхуэхъуну Нафихь, ХъэттIаб и къуэ Умар къылъигъэIэсауэ къеIуэтэж, Бегъымбар лъапIэу щэлатымрэ сэламымрэ зэхам мыпхуэдэуи жиIауэ: «Мэрем махуэм мэжджытым щIыхьэу, мэрем нэмэзыр къэсын ипэ тIысыгъуиплI, дэтхэнэ зы тIысыгъуэми «Фат1ихьэ» нэужьым 50-рэ «Къулхуолэ» къибжу зыщIыр дунейм ехыжынукъым, Жэнэтым щиIэну унапIэр кърамыгъэлъэгъуауэ».