Алим кIэух зэпеуэм хэтынущ

3 мая, 2024 - 13:51

Мэлыжьыхьым и 18 - 19-хэм Урысей МВД-м и Краснодар университетым и Ставрополь къудамэм щекIуэкIащ Урысей МВД-м и щIыналъэ органхэм балигъ мыхъуахэм я IуэхухэмкIэ я IэнатIэхэмрэ хабзэм ебэкъуа балигъ мыхъуахэр пIалъэкIэ щаIыгъ я центрхэмрэ я лэжьакIуэхэр «И IэщIагъэкIэ нэхъыфI» цIэм щыщIэбэна урысейпсо зэхьэзэхуэм и етIуанэ Iыхьэр.   
Абы хэтащ Кавказ Ищхъэрэ федеральнэ округым къэрал кIуэцI IухухэмкIэ и щIыналъэи 7-м щыщу япэ Iыхьэм щытекIуахэр. 
КъБР-м щыIэ МВД-м и цIэкIэ зэпеуэм хэтащ Урысей МВД-м Налшык къалэм щиIэ и управленэм балигъ мыхъуахэм я IуэхухэмкIэ инспектор нэхъыжь, полицэм и майор Хъуэст Аннэрэ КъБР-м щыIэ МВД-м хабзэм ебэкъуа балигъ мыхъуахэр пIалъэкIэ щаIыгъ и центрым и плъыр, полицэм и сержант нэхъыжь Гындыгъу Алимрэ. 
Хабзэхъумэхэм я зэфIэкI щагъэлъэгъуащ оневой, физическэ, медицинэ, хэха зыхуэгъэхьэзырыныгъэхэм. 
Зэхьэзэхуэм кърикIуахэмкIэ полицэм и сержант нэхъыжь Гындыгъу Алим зыхэта гупым я деж щытекIуэри диплом къратащ. 
КъБР-м щыIэ МВД-м и пресс-IуэхущIапIэм къызэритащи, иджырей зэпеуэм щытекIуахэм къапоплъэ 2024 гъэм фокIадэм и 5-6-хэм Урысей МВД-м и Воронеж юридическэ институтым щекIуэкIыну кIэух зэхьэзэхуэр. 

 

УАРДЭ Жантинэ.
  • 40 просмотров
Поделиться:

Читать также:

15.11.2025 - 18:39 → Спорт хъыбархэр
15.11.2025 - 17:59 → Спорт хъыбархэр
12.11.2025 - 17:18 → Спорт хъыбархэр
11.11.2025 - 15:00 → Ахъмэт Амир и гъэсэнхэм Кубокыр къахь
10.11.2025 - 17:02 → Спорт зэхьэзэхуэхэр