ЕтIуанэ увыпIэр къахь

Космонавтикэм и махуэм и щIыхькIэ Минводы къалэм футболымкIэ зэхьэзэхуэ иджыблагъэ щрагъэкIуэкIащ. Абы хэтащ Социалист Лэжьыгъэм и ЛIыхъужь Щауэ Iэхьед и цIэр зэрихьэу Бахъсэн къалэм дэт спорт еджапIэм и гъэсэнхэр икIи ехъулIэныгъэхэр яIэу къагъэзэжащ.
Бахъсэндэсхэм япэ зэIущIитIыр я хьэрхуэрэгъухэм къыфIахьащ бжыгъэхэр II:0-у, 8:0-у. ИужькIэ, 4:0-у абыхэм хагъэщIащ Иноземцевэ къалэм и «Юниор Иноземцево» клубыр. Ауэ, ди жагъуэ зэрыхъущи, адэкIэ I:0-у Георгиевск и «Интер»-р къытекIуащ. Иужьрей дыдэ зэIущIэр Нарткъалэм и командэм 5:0-у къыфIахьри, етIуанэ увыпIэр зэпеуэм щаубыдащ.
Къыхэдгъэщынщи, зэIущIэхэм ди футболист ныбжьыщIэхэм псори зэхэту топ 28-рэ я хьэрхуэрэгъухэм худагъэкIащ, езыхэм я гъуэр зэ закъуэ кърагъэщтауэ аращ.
Командэм дэлажьэр Бахъуэ Муратщ.