Налшык судыр хоплъэКъБР-м и прокуратурэр арэзы техъуащ Таджикистан республикэм щыщ цIыхухъум ехьэлIа уголовнэ Iуэхум. Ар ягъэкъуаншэ УФ-м и УК-м и 30-нэ статьям и 3-нэ Iыхьэм, 228.1 статьям и 4-нэ Iыхьэм и «г» пунктым къыщыхьа щIэпхъаджагъэр (наркотикхэкIхэр куэду игъэкIыным яужь ихьэн) илэжьауэ. Следствием къызэрилъытамкIэ, ягъэкъуаншэм 2022 гъэм и фокIадэм щэху гъэтIылъыпIэхэр къигъэсэбэпу наркотикхэкIхэр иригъэкIыну хэтащ, арщхьэкIэ и мурадыр къехъулIакъым, КъБР-м щыIэ УФСБ-м и лэжьакIуэхэм яубыдри. Уголовнэ Iуэхур Налшык къалэ судым Iэрагъэхьащ зэпкърыхауэ хэплъэну. А щIэпхъаджагъэм хуэдэ зылэжьар илъэси 10-м къыщыщIэдзауэ 15-м нэскIэ ягъэтIысынкIэ хъунущ.
Хабзэм къемызэгъыу
Республикэм и прокуратурэм «Единый реестр контрольных (надзорных) мероприятий» къэпщытэныгъэм кърикIуахэмкIэ къыщIигъэщащ Урысей МВД-м Шэджэм районым щиIэ къудамэм и лэжьакIуэхэм гъуэгум шынагъуэншэу щызекIуэным ехьэлIа Iуэхур ирагъэкIуэкIыу хабзэр къызэрызэпаудар. Къэрал кIэлъыплыныгъэм теухуа хабзэм ебакъуэри, прокуратурэм и органхэм ягурымыIуауэ юридическэ цIыхум и дэфтэрхэр и пIалъэр къэмысу къызэрапщытар къезэгъыркъым. КъБР-м и прокуратурэм къэрал кIуэцI IуэхухэмкIэ министру республикэм щыIэм ар игъэзэкIуэжыну хуигъэлъэгъуащ. Iуэхум я нэIэ тетщ. Сом мелуани 9-м щIигъу Республиикэ прокуратурэм арэзы техъуащ Ч. ехьэлIауэ къаIэта уголовнэ Iуэхум. Следствием къызэрихутамкIэ, ягъэкъуаншэм, 2019 гъэм коммерческэ IуэхущIапIэм и унафэщI К. гурыIуэри, иужьрейм хьэгъэщагъэ илэжьу зыIэригъэхьа сом мелуани 9-м щIигъу и уасэ сату зэгурыIуэныгъэ зэращIылIащ. Коммерческэ IуэхущIапIэм и унафэщI К. теухуауэ къаIэта уголовнэ Iуэхур зэхегъэкI Налшык къалэ судым. Ч. ехьэлIа уголовнэ Iуэхури хэплъэну Iэрагъэхьащ. Апхуэдэ щIэпхъаджагъэр зылэжьар илъэси 7-кIэ ягъэтIысынкIэ мэхъу.
Поделиться:
Читать также:
05.05.2024 - 11:00 →
КъБР-м и Iэтащхьэ КIуэкIуэ Казбек IутIыж махуэшхуэм теухуа и хъуэхъу
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
|