|
Календарь событий
04 мая 2024
4 мая, 2024 - 14:38
Тэрч къалэм ухуэныгъэхэр жыджэру щекIуэкI и хьэблэщIэм мы гъэм щаущIынущ курыт еджапIэщIэ, еджакIуэу 820-рэ щIэхуэу. КъалэкIэм и деж абы щыхухахащ метр зэбгъузэнатIэу минищ. ШколыщIэр здэщытыну щIыпIэм пэгъунэгъуу сабий садитI къыщызэIуахащ икIи еджапIэр абы къахыхьэжу щытмэ, хьэблэщIэм езым и «къалэ еджапIэ цIыкIу» иIэжынущ.
4 мая, 2024 - 13:34
«Жемчужина Кавказа» мафIэгур Налшык къыдыхьащ накъыгъэм и 2-м. Абы ис зыплъыхьакIуэхэм Iэмал ягъуэтащ Къэбэрдей-Балъкъэрыр, Iуащхьэмахуэ зрагъэлъагъуну.
4 мая, 2024 - 11:18
Гъэ къэси хуэдэу, «Боевое братство» зэгухьэныгъэм и Къэбэрдей-Балъкъэр щIыналъэ къудамэм и жэрдэмкIэ, ЩIыхьым и лъэс лъагъуэм жыгыщIэхэр щыхасащ.
4 мая, 2024 - 11:00
Мэзкуу областым хыхьэ Сколково щIэныгъэ къалэм къикIыу хъыбар гуапэ иджыблагъэ къытIэрыхьащ. Мы махуэхэм абы и «Live Арена» спорткомплексым щекIуэкIащ Урысейм бэнэкIэ хуитымкIэ и чемпионат. Абы япэ увыпIэр къыщихьащ Къэбэрдей-Балъкъэрым и Тэрч щIыналъэм къыщалъхуа бэнакIуэ, адыгэ щIалэ Шэрий Иналбэч.
4 мая, 2024 - 10:01
Накъыгъэм и 3-м КъШР-м щагъэлъапIэ Къэрэшей лъэпкъым и къэщIэрэщIэжыныгъэм и махуэр. Щыпсэу щIыналъэм лажьэ ямыIэу ирашауэ щыта къэрэшейхэм Азие Курытым илъэс 14 щрахьэкIащ. А пIалъэ гугъур иухыу, лъэпкъым и Хэкур зэригъуэтыжам и дамыгъэщ илъэс къэс республикэм ягу къыщагъэкIыж а махуэр. Гъунэгъу щIыналъэм и гуфIэгъуэр ядиIыгъащ КъБР-м и Iэтащхьэ КIуэкIуэ Казбек.
4 мая, 2024 - 10:00
КъБР-м и Iэтащхьэ КIуэкIуэ Казбек Правительствэм и Унэм щригъэкIуэкIащ зэIущIэ щхьэпэ. КъБР-м и Правительствэм и УнафэщI Мусуков Алий, министерствэхэм я пашэхэр зыхэта зэхуэсым щытепсэлъыхьащ бюджет IэнатIэм Iутхэм я улахуэм иджыри проценти 10-кIэ зэрыхагъэхъуэнум.
4 мая, 2024 - 09:00
Ди республикэм лэжьыгъэ IуэхукIэ дыгъуасэ къэкIуащ УФ-м егъэджэныгъэмкIэ и министр Кравцов Сергей. КъБР-м и унафэщIхэр и гъусэу хьэщIэ лъапIэр щыIащ ди щIыналъэм и еджапIэ нэхъыжьхэм ящыщу Дзэлыкъуэ районым хыхьэ Сэрмакъ къуажэм дэт курыт школ №1-м.
4 мая, 2024 - 09:00
КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументальный Нальчик», «Музыка танца», аэроклубыр Налшык къызэрыщызэIуахрэ илъэс 90 зэрырикъум теухуар.
|