Гъуэгум шынагъуэншэу щызекIуэным хуаущий

10 февраля, 2023 - 12:22

Къэрал  Автоинспекцэм и лэжьакIуэхэр  Урысей МВД-м  Тэрч районым щиIэ къудамэм  балигъ мыхъуахэм я IуэхухэмкIэ и инспекторхэмрэ инспектор ныбжьыщIэхэмрэ  ящIыгъуу щыIащ  Тэрч къалэм дэт  Прогимназия №1-м зи   школ кIуэгъхуэ мыхъуа  и гъэсэнхэм я деж. Абыхэм    а цIыкIухэр щыгъуазэ ящIащ Гъуэгум зэрыщызекIуэ хабзэхэм.   

Полицейхэм зи  школ кIуэгъуэ мыхъуахэм жраIащ    гъуэгу зекIуапIэр шынагъуэншэу зэрызэпыупщIыпхъэр, ягу къагъэкIыжащ светофорхэм къат сигналхэмрэ гъуэгум тет дамыгъэхэмрэ  я мыхьэнэр.  ЛъэсырыкIуэ цIыкIухэр Iуэхум жыджэру хэтащ икIи инспекторхэм я упщIэхэм жэуап тэмэм зэрыратыным хущIэкъуащ.      

  Полицейхэм къыхалъхьащ къаIэта Iуэхум сабийхэм зэрыхащIыкIыр  еджапIэм  и щIыпIэм  щыIэ интерактивнэ  лъэс ззэпрыкIыпIэм деж утыку къыщрахьэныр.   ЮИД гупым хэтхэм ягъэлъэгъуащ  гъуэгур лъэс зэпрыкIыпIэм шынагъуэншэу  зэрыщызэпыупщIыпхъэр.     Дтхэнэ сабийми  Iэмал иратащ  гъуэгум и зэпрыкIыпIэ  хуэдэу ящIам  хабзэм тету зэпрыкIыну.

ЛъэсырыкIуэ цIыкIухэм  полицейхэр къагъэгугъащ гъуэгум шынагъуэншэу щызекIуэнымкIэ (ПДД) хабзэм тетыну, балигъхэми ягу къагъэкIыжыну.  

 

                                                                          

 

БАХЪСЭН Ланэ.
  • 20 просмотров
Поделиться:

Читать также:

11.11.2025 - 13:30 → Фашизмэм и «напэр»
11.11.2025 - 13:10 → Дахэ нэщэнэхэр къызытещхэр
11.11.2025 - 13:00 → ЩIыуэпсым епха гъэщIэгъуэнхэр
11.11.2025 - 12:30 → Кувейтым мэлъатэ
11.11.2025 - 12:01 → Бахъсэн къалэр ягъэдахэ