Гъавэ бэвыр я плъапIэщ

3 мая, 2024 - 08:18
Май щIыналъэм гъатхэ губгъуэ лэжьыгъэхэм щоужьэрэкI, -къитащ иджыблагъэ щIыпIэ администрацэм мэкъумэш-промышленнэ комплексымкIэ и управленэм. Дызэрыт илъэсым гъатхасэм абы щыхухахынущ гектар 10567-рэ. 
НобэкIэ жылэхэр зыхасар къэдгъэлъагъуэмэ: сэхураныр гектар 410-м, зэнтхъыр – гектари 146-м, хьэр – гектар 350-м, гуэдзыр – гектар 60-м хагъэзэгъащ. Iэщым щхъуантIэу ирагъэшхыну къэкIыгъэхэм гектар 12836-рэ хухахащ.
Гъавэ бэв кърахьэлIэжын папщIэ щыIэ хабзэм тету гъатхасэм щIыр хуагъэхьэзыращ, щIыгъэпшэрхэмкIэ ягъэнщIащ, жылэхэр узыфэхэм щахъумащ. 
Апхуэдэуи Къэбэрдей-Балъкъэрым Мэкъумэш хозяйствэмкIэ и министерствэм и пресс-IуэхущIапIэм иджыблагъэ къызэритамкIэ, нартыхур республикэм жыджэру щыхасэ. Мы гъэм зыхащIэну абы хухаха гектари 132,4-м щыщу гектар 30-м нэблагъэм хащIакIэщ. 
Гъавэ бэв бжьыхьэм кърахьэлIэжын папщIэ, нартыхум псыкIи егугъун хуейщи, ар зыхасэ хьэсэхэм псы зэрыщIагъэлъэдэ машинэхэр щагъэув.
ХЬЭЩОКЪУЭ Алыдж.
  • 38 просмотров
Поделиться:

Читать также:

13.11.2025 - 16:33 → Я лэжьыгъэхэм топсэлъыхь
13.11.2025 - 16:00 → ЛIыхъужьым и фэеплъу
13.11.2025 - 15:36 → Шэджэм къалэм и уэрамхэр
13.11.2025 - 15:22 → Комбатым и лIыгъэ
13.11.2025 - 14:50 → ЩIэблэ узыншэ-2025