|
Жылагъуэ
21 мая, 2023 - 05:57
Хьэтхэм къатехъукIыжауэ, адыгэ лъэпкъ уардэр тенджыз ФIыцIэ Iуфэмрэ Джылахъстэнеймрэ я зэхуакум дэлъ щIыналъэм къэралыгъуэшхуэу щыпсэуащ илъэс мин бжыгъэкIэ. Адыгэ лъэпкъым и процент 95-р Урыс-Кавказ зауэжьым ихьауэ щытащ, зэтраукIами псэууэ къэнахэм ящыщ куэд дыдэ Хэкум залымыгъэкIэ ирашами. Абы и пэ къихуэу Адыгэ Хэкум цIыху мелуани 2 щыпсэуащ. 1763 - 1864 гъэхэм къриубыдэу ди лъэпэгъу мелуан 1,5-рэ яукIащ, ирашащ е емынэмрэ таломрэ яхьащ.
20 мая, 2023 - 15:04
Си лъахэгъу лъапIэхэ!
Илъэс къэс накъыгъэм и 21-м дэ ди щыгъуэ махуэщ: Кавказ зауэм хэкIуэда Адыгэхэм я фэеплъ махуэщ.
Ди щхьэр яхудогъэщхъ гущIэгъуншэ, лъыгъажэшхуэ зауэм зи гъащIэр къызэпиуда псоми я фэеплъым.
20 мая, 2023 - 08:01
Сыт хуэдэ лъэпкъри къикIуа тхыдэ гъуэгуанэм щриплъэжкIэ, и гумрэ и псэмрэ нэхъ дыхьа, е нэхъ игу къеуа, зэман ипэкIэ иIа псэукIэм зезыгъэхъуэжа напэкIуэцIхэр къыхелъагъукIыж. Апхуэдэщ адыгэ лъэпкъымкIэ илъэс къэс хэдгъэунэхукI накъыгъэм и 21-р, ди гупсысэхэм къыхэна лъэхъэнэ къииныр.
20 мая, 2023 - 07:00
IуэрыIуатэдж цIэрыIуэ КъардэнгъущI Зырамыку 1979 гъэм къыдигъэкIа «Адыгэ уэрэдыжьхэр» тхылъым ущрохьэлIэ «Лабэдэсхэм я гъыбзэ» хъыбарым и зы къэIуэтэкIэм. КъардэнгъущIым абы лъабжьэ хуищIа тхыгъэхэми нэгъуэщIхэми Интернетым дыщылъыхъуащ. ДызрихьэлIам я нэхъыбэр лъабжьэ куу зиIэу къэтлъытащ. А псоми я гугъу дымыщIми, КъардэнгъущIым ейм ехьэлIам, зымащIэкIэ ар абы къыщхьэщыкIми, зэрыхъукIэ кIэщIу дытепсэлъыхьынщ.
20 мая, 2023 - 06:46
Илъэси 159-рэ хуэдизкIэ узэIэбэкIыжмэ, пащтыхьыдзэм Къуэбыдэ деж иужьрей топыр щигъэуауэ щытащ, адыгэщIыр къызэризэуам, илъэсищэм нэблагъэкIэ екIуэкIа лъыгъажэр зэрыувыIам и щыхьэту. А зауэр тхыдэм къыхэнами, абы кърикIуа Iуэхугъуэхэр щIэблэм гъэсэпэтхыдэ яхуэхъупхъэщ.
19 мая, 2023 - 14:37
Лъэпкъым хуэнабдзэгубдзаплъэ щIалэгъуалэм ящыщщ Къалэн куэд зыгъэзащIэ щIалэгъуалэ центрым и къудамэм и унафэщI Къарэ Ратмир. Абы упщIэ зыбжанэкIэ зыхуэдгъэзащ адыгэм и тхыдэм теухуауэ.
Урыс-Кавказ зауэм и тхыдэм сытым уригъэгупсысрэ?
- Тхыдэр - егъэджакIуэщ. Абы дрегъэгупсыс: сыт къыдэхъулIа, сыт гулъытэншэу къэдгъэна? Дерс гуэри къыхыдох, адэкIэ длэжьынури ирыдоубзыху.
19 мая, 2023 - 12:00
Къэхутэныгъэ телъыджэ иджыблагъэ ирагъэкIуэкIащ инджылыз щIэныгъэлIхэм. Языныкъуэ цIыхухэм, лIа нэужь, щIым щIалъхьэ мыхъуу, ягъэсмэ нэхъ къащтэ. Мис апхуэдэ щIыкIэкIэ кIуэдыжахэм я сахуэм зы хьэдзэ цIыкIу къыхэнэрт, мафIэм имысауэ. Ар кIапцIэм къыхэна мэскъалт. А хьэдзэр яджа нэужь щIэныгъэлIхэм къагурыIуащ абы иджыри «гъащIэ зэрыхэлъыр»…
18 мая, 2023 - 15:14
КъБР-м щыIэ МВД-м и Шэджэм щIыналъэ къудамэм и лэжьакIуэхэр хэтащ Шэджэм Ищхъэрэм и курыт еджапIэм и 5 - 11-нэ классхэм щIэсхэм папщIэ хэкупсэ гъэсэныгъэм теухуауэ щрагъэкIуэкIа лIыхъужьыгъэм и дерсым.
18 мая, 2023 - 14:14
КъБР-м и Iэтащхьэм къищта унафэм ипкъ иткIэ, 2024 гъэр ди республикэм Архитектурэм и илъэсу щекIуэкIынущ. КъБР-м щыщ архитекторхэмрэ щыхьэрым и теплъэр зи IэмыщIэ илъ къулыкъущIэхэмрэ щIэх-щIэхыурэ зэрызэхуэзэри а мурадым хуэунэтIа Iуэхущ. Мэлыжьыхьым и пэщIэдзэм къулыкъущIэхэр зэхуэсри тепсэлъыхьащ къалащхьэм и «КъуэкIыпIэ» хьэблэм мэжджытыщIэ зэрыщаухуэнум.
18 мая, 2023 - 10:07
«Рулым дэтIысхьагъащIэ» республикэпсо Iуэхум хыхьэу гъуэгу шынагъуэншагъэм, къызэрымыкIуэ щытыкIэхэм деж пщIэн хуейхэм теухуауэ къызэрагъэпэща дерсхэм хэтащ Къэбэрдей-Балъкърым и колледжхэм я студентхэр.
Страницы
|