Медаль тIощIрэ бгъурэ

2 мая, 2024 - 11:21

«ФIыхэм я фIыжхэр» Кубокыр кекусинкай картэмкIэ къэхьыным хуэунэтIа зэхьэзэхуэ ЕсэнтIыгу къалэм иджыблагъэ щекIуэкIащ. Абы хэтащ къэралым и щIыналъэхэм ящыщу 10-м я спортсмен 200-м щIигъу, я ныбжькIэ илъэсиплIым къыщыщIэдзауэ 17-м нэсу. 
Къэбэрдей-Балъкъэрым и командэм ещанэ увыпIэр гуп зэпеуэм щиубыдащ. Ди каратистхэм дыщэ медалу 9, дыжьыну 15, домбеякъыу 5 къахьащ.
Щхьэзакъуэ зэпеуэхэм я хьэлъагъ елъытауэ зыхэта гупхэм бжьыпэр щаубыдащ Арзиманов Тимур, БжэIумых Iэмин, Бэвыкъуэ Тамерлан, КIуащ Къантемыр, Лапинэ Варварэ, Магомедов Даниал, Мирюков Вадим, Скибэ Фрол, Хьэмыкъуэ Айдар сымэ.
Спортсменхэм ядолажьэ Къэрмокъуэ Iэмурбэч, Мэршэнкъул Къантемыр, Будаев Казбек сымэ. 

ТОМЭКЪУЭ Iэдэм.
  • 65 просмотров
Поделиться: