НОБЭ

Жэпуэгъуэм и 24, блыщхьэ
Лъэпкъ Зэкъуэтхэм я Зэгухьэныгъэм и махуэщ
Зыужьыныгъэм теухуа хъыбархэр зэбгрегъэхыным и дунейпсо махуэщ
Полиомиелитым пэщIэтыным и дунейпсо махуэщ
Урысейм IэщэкIэ ЗэщIэузэда и Къарухэм я гуп щхьэхуэм (Спецназым) и махуэщ
1897 гъэм Урысейм и тхыдэм щыяпэу футболымкIэ зэхьэзэхуэ щекIуэкIащ.
1935 гъэм Москва Кремлым и Спасскэ чэщанэм и щхьэм щхьитI зыфIэт бгъэр къытрахри, къуапитху зиIэ вагъуэр трагъэуващ.
1941 гъэм Харьков къалэр – СССР-м и индустриальнэ центр нэхъ инищым ящыщыр – нэмыцэдзэхэм яубыдащ.
1949 гъэм Нью-Йорк щагъэтIылъащ ООН-м и IуэхущIапIэ нэхъыщхьэхэм я унэм и лъабжьэр.
1986 гъэм Инджылызым и къалащхьэ Лондон къыщызэIуахащ грампластинкэхэр щащэну, дунейм щынэхъ ин дыдэ тыкуэныр.
1882 гъэм къалъхуащ Мэжэрым (Венгрием) щыщ композитор, зи IэдакъэщIэкIхэр дуней псом цIэрыIуэ щыхъуа Кальман Имре.
1893 гъэм къалъхуащ 1921 - 1938 гъэхэм Къэбэрдей-Балъкъэрым и унафэщIу щыта, къэрал лэжьакIуэ, политик Къалмыкъ БетIал.
1901 гъэм къалъхуащ адыгей усакIуэ Хьэткъуэ Ахьмэд.
1911 гъэм къалъхуащ совет актер, СССР-м и цIыхубэ артист, Социалист Лэжьыгъэм и ЛIыхъужь Райкин Аркадий.
1966 гъэм къалъхуащ урысей хьэрычэтыщIэ, къэрал лэжьакIуэ, Чукотскэ АО-м, абы и думэм я унафэщIу щыта Абрамович Роман.
1981 гъэм къалъхуащ адыгей сурэтыщI, Братиславэ, Берлин, Алма-Аты щекIуэкIа дунейпсо гъэлъэгъуэныгъэхэм щытекIуа ГъукIэпщокъуэ Щауэмыр.
Дунейм и щытыкIэнур
«pogoda.yandex.ru сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус I2 - I3, жэщым градуси 6 - 7 щыхъунущ.
Лъэпкъ Iущыгъэ:
Гъатхэ дыгъэм кIагъуэпскIэ уегъэпскIри, бжьыхьэ дыгъэм тхъупс къытрекIэ.