|
Махуэгъэпс
15 декабря, 2023 - 12:40
Мыщэм и махуэр, дыгъэгъазэм и 13-р, Урысей Федерацэми нэгъуэщI къэралхэми щагъэлъапIэ цIыху къызэрыгуэкIхэми а псэущхьэм кIэлъыплъ экологхэми.
Дыгъэгъазэм и 13-м къызэрагъэпэщ зэхыхьэхэм сабийхэр ирашалIэ, Iуэхум ехьэлIа усэ цIыкIухэм къыщрагъаджэ, зи гугъу тщIы псэущхьэр лIыхъужь нэхъыщхьэу зыхэт театр теплъэгъуэхэм, макъамэрэ уэрэдкIэ гъэпсахэм, щрагъэплъ. Гукъыдэжыр щебэкI апхуэдэ зэхуэсхэу джэгукIэ дахэкIэ гъэпсахэм быным я гъусэу къэкIуа адэ-анэхэри, сабий хъужарэ псысэм хэхутэжа фIэкIа ямыщIэну, нэжэгужагъэ ин къагъэлъагъуэу яхэтщ.
15 декабря, 2023 - 11:28
Дыгъэгъазэм и 15, мэрем
♦Шейм и дунейпсо махуэщ
♦УФ-м и Дзэ-хьэрш къарухэм я Радиотехникэ дзэхэр къыщызэрагъэпэща махуэщ
♦Зи къалэн зыгъэзащIэу хэкIуэда журналистхэм я фэеплъ махуэщ
♦1917 гъэм Дзэ Плъыжьым и япэ нагъыщэр — Вагъуэ Плъыжьыр къащтащ.
♦1921 гъэм РСФСР-м и ВЦИК-м и деж Къэбэрдей автоном областым и лIыкIуэ щыIэныр хабзэу гъэуващ.
14 декабря, 2023 - 05:55
Дыгъэгъазэм и 14, махуэку
♦1695 гъэм къэралым и пащтыхь Пётр Езанэм къыхилъхьэри, адыгэпщ Черкасский Михаил Алигъуокъуэ и къуэр Урысейм и генералиссимусу хахат.
♦1816 гъэм къалъхуащ Кавказым щыпсэу лъэпкъхэм я бзэхэр щIэныгъэм тету джыным япэу зезыпщытахэм ящыщ, адыгэбзэм, абхъазыбзэм, шэшэныбзэм я алфавит зэхэзылъхьа Услар Пётр.
13 декабря, 2023 - 09:00
Дыгъэгъазэм и 13, бэрэжьей
1920 гъэм Лъэпкъхэм я Лигэм Гаагэ къыщызэригъэпэщащ дунейпсо хеящIэ IуэхущIапIэ.
1926 гъэм Совет къэралыгъуэм щыяпэу абы цIыхуу исыр бжын щыщIадзащ.
1949 гъэм Налшык щекIуэкIащ КъАССР-м и цIыхубз ныбжьыщIэхэм я XI республикэ съезд.
1991 гъэм Налшык щекIуэкIащ КъБР-м ис лъэпкъхэм я лIыкIуэхэм я съезд.
Дунейм и щытыкIэнур
12 декабря, 2023 - 06:03
Дыгъэгъазэм и 12, гъубж
Узыншагъэр хъумэнымкIэ IэнатIэм и Iуэхутхьэбзэхэр псоми ялъэIэсыным и дунейпсо махуэщ
Зэныкъуэкъу къэралхэм ящыщу зым и телъхьи мыхъуным и дунейпсо махуэщ
Урысей Федерацэм и Конституцэм и махуэщ
1993 гъэм КъБР-м палатитI хъу и Парламентыр хахащ.
1933 гъэм къалъхуащ юрист, КъБР-м щыщ къэрал, жылагъуэ лэжьакIуэ ГубэщIыкI Владимир.
11 декабря, 2023 - 08:42
Дыгъэгъазэм и 11, блыщхьэ
Бгыхэм я дунейпсо махуэщ
Тангэ къэфэкIэм и дунейпсо махуэщ
1956 гъэм Мэлбахъуэ Тимборэ КПСС-м и обкомым и япэ секретару хахащ.
1922 гъэм къалъхуащ тхыдэ щIэныгъэхэмкIэ доктор, КъБКъУ-м и профессор Щхьэгуэш ШотIэ.
1935 гъэм къалъхуащ КъБР-м и цIыхубэ сурэтыщI Абей Виктор.
9 декабря, 2023 - 05:39
Дыгъэгъазэм и 9, щэбэт
ЛъэпкъгъэкIуэд щIэпхъаджагъэм хэкIуэдахэр ягу къыщагъэкIыж, геноцидыр мыдэным и дунейпсо махуэщ
Iулъхьэ тын-къеIыхыным пэщIэтыным и дунейпсо махуэщ
Урысейм щагъэлъапIэ Хэкум и ЛIыхъужьхэм я махуэр
Урысейм и гъущI гъуэгу транспортым шынагъуэншагъэм щыкIэлъыплъынымкIэ и IэнатIэр къыщызэрагъэпэща махуэщ
8 декабря, 2023 - 10:05
Дыгъэгъазэм и 8, мэрем
♦СурэтыщIым и дунейпсо махуэщ
♦Урысей казначействэр къыщызэрагъэпэща махуэщ
♦1832 гъэм къызэрагъэпэщащ Урысейм IэщэкIэ ЗэщIэузэда и Къарухэм я Штаб Нэхъыщхьэм и Дзэ академиер.
♦1929 гъэм къалъхуащ уэрэджыIакIуэ, УФ-м щIыхь зиIэ и артисткэ Шэрий Иринэ.
7 декабря, 2023 - 06:00
Дыгъэгъазэм и 7, махуэку
♦ЦIыхухэр къызэрырашэкI авиацэм и дунейпсо махуэщ
♦Урысейм и Дзэ-Хьэрш Къарухэм я инженер-авиацэ къулыкъум и лэжьакIуэхэм я махуэщ
♦Къэрал Эрмитажыр къыщызэрагъэпэща махуэщ
♦1725 гъэм Петербург щызэхэтащ Урысейм щIэныгъэхэмкIэ и академием и япэ зэхыхьэр.
♦1958 гъэм РСФСР-м и тхакIуэхэм я япэ съездыр къызэIуахащ.
Дунейм и щытыкIэнур
6 декабря, 2023 - 09:21
Дыгъэгъазэм и 6, бэрэжьей
♦УФ-м и МВД-м наркотикхэм ехьэлIа щIэпхъаджагъэхэр зэхэгъэкIыныр зи нэIэ щIэтыну къудамэ къыщызэрагъэпэща махуэщ
♦1933 гъэм къалъхуащ балъкъэр щIэныгъэлI, философие щIэныгъэхэмкIэ доктор, ЩIДАА-м и академик, КъБР-мрэ Къалмыкъымрэ щIэныгъэмкIэ щIыхь зиIэ я лэжьакIуэ Эфендиев Сэлихь.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Хуабэр махуэм 1 градус, жэщым 1 градус щыхъунущ.
Страницы
|