ЩIэблэ узыншэ

18 ноября, 2024 - 14:06

  ЩIалэгъуалэм хуэгъэзауэ ирагъэкIуэкI «Чистое поколение-2024»  Iуэхум и етIуанэ Iыхьэм къриубыдэу КъБР-м щыIэ МВД-м Наркотикхэр зэрызэбграгъэхым кIэлъыплъынымкIэ и управленэм и лэжьакIуэхэмрэ министерствэм балигъ мыхъуахэм я IуэхухэмкIэ и инспекторхэмрэ полицэм и  участковэ уполномоченнэхэмрэ,  Урысей ФСИН-м и управленэу КъБР-м щыIэм и Уголовно-гъэзэщIакIуэ инспекцэм  и лэжьакIуэхэм республикэм и Iуащхьэмахуэ, Шэрэдж, Дзэлыкъуэ  районхэр щIаплъыкIащ.

Абыхэм унагъуэхэр  къызэхакIухьащ  сабийхэр гъэсэным зэпыIузыдз, абыхэм пхъашэу яхущыт, наркотикхэкIрэ акъылыр зыгъэутхъуэ пкъыгъуэхэмрэ зэзыхьэлIэ адэ-анэхэр, наркотикхэкI зэзыхьэлIэхэр къыщIагъэщын папщIэ.    

Къэпщытэныгъэм къызэщIиубыдащ  наркотикхэр игъэкIыным пыщIахэу суд зытращIыхьахэр, ауэ балигъ мыхъуа сабий зэраIэм къыхэкIыу ямыгъэтIысахэр, - къет КъБР-м щыIэ МВД-м и пресс-IуэхущIапIэм.     

                                                                                               ДЫГУЛЫБГЪУ Жантинэ.

  • 42 просмотра
Поделиться: