Студент десант

ЩIышылэм и 25-р студентхэм я махуэщ. Абы ирихьэлIэу илъэс къэс ирагъэкIуэкI «Студент десант» урысейпсо ак­-     цэр. КъБР-м щыIэ Урысей   МВД-м и къалэ, район къудамэхэм апхуэдэ Iуэхухэр школакIуэхэм, студентхэм папщIэ къызэрагъэпэщащ. 

Урысей МВД-м Налшык къалэм щиIэ управленэм и къудамэм и IэщIагъэлI нэхъыжь, по­лицэм и капитан Асановэ Саби-нэ къызэригъэпэщри, Къэбэрдей-Балъкъэрым и «Строитель» колледжым и етIуанэ курсым щIэс студентхэм защригъэп­лъыхьащ КъБР-м щыIэ МВД-м тхыдэмкIэ и музейм.
Студентхэм яхуэзащ къулы­къум пэрыкIыжахэу, управленэм и ветеранхэм я советым и тхьэмадэ, милицэм и полковник КIэрэф Борис, абы и къуэдзэ, полицэм и подполковник Тембот Артур, УМВД-м дэлажьэ Жыла­гъуэ советым и лIыкIуэ Аттоевэ Дианэ сымэ.
Зыплъыхьыныр удэзыхьэхыу, купщIэ иIэу иригъэкIуэкIащ ­Налшык къалэ округым и ветеран организацэм и советым хэт, полицэм и подполковникыу тIы­сыжа Казаченкэ Еленэ. Ар теп­-сэ­лъыхьащ музейр къы­зэ­ры­зэрагъэпэщам, полицэм и тхы­дэм пыщIауэ абы щIэлъ­­хэм - милицэ фащэм, Iэ­щэм, лэ­­­жьа­кIуэм зыр адрейм зэры-зыпищIэ, зэрызэпсалъэу щыта Iэмэпсы­мэжьхэм, цIыкIу­фэ­кIухэмрэ фэ­еплъ дамыгъэ­хэм­рэ.
Студентхэм яфIэгъэщIэгъуэну икIи дихьэхауэ зэпаплъыхьащ МВД-м и лэжьакIуэхэр зэра­хуапэу щытам, илъэс зэхуэ­мы­дэхэм зэрахьа Iэщэхэр, офицерхэм я хьэпшыпхэр, хабзэхъумэ органхэм я лэжьакIуэхэм зэхьэ­зэхуэхэм къыщахьа дамыгъэхэр, дипломхэр, кубокхэмрэ медалхэмрэ.
Гулъытэ щхьэхуэ хуащIащ къэ­рал кIуэцI IуэхухэмкIэ органхэм я лэжьакIуэхэу зи къалэн зыгъэ­за­щIэу хэкIуэдахэм.
Студентхэр дихьэхауэ едэIуащ къызэгъэпэщакIуэхэм къыхуа­-Iуа­тэхэм, хабзэхъумэ IэнатIэм ущылэ­­жьэным мыхьэнэшхуэ зэ­ри­Iэр, ар жэуаплыныгъэ зыпылъу икIи гугъуу зэрыщытыр. 
ЗэIущIэм и кIэухыу ветеранхэмрэ жылагъуэ лэжьакIуэхэм- рэ студентхэм жраIащ къэрал кIуэцI IуэхухэмкIэ органхэм я лэжьакIуэм хэлъын хуей хьэл-щэнхэр, псом япэращи, цIыху ­пэжу зэрыщытыпхъэр .
 
БАХЪСЭН Ланэ.