Сом мелард 1,5-м щIигъу къыхрагъалъхьэ

Хьэрычэт мащIэм и Iуэхухэр

Къэбэрдей-Балъкъэрым хьэрычэт мащIэмрэ курытымрэ я IэнатIэхэм банкхэм я деж къалэн зыщыщащIыжахэр зэрагъэзэщIэнумкIэ МСП Корпорацэр шэсыпIэ ихьэу сом мелард 1,5-м щIигъу я лэжьыгъэм къыхрагъэлъхьащ абыхэм нэгъабэ. Ар хуэди 2,5-кIэ нэхъыбэщ абы ипэ ита илъэсым яхузэфIэкIам нэхърэ.

Къэрал псор къэбгъэлъагъуэмэ, хьэрычэт мащIэмрэ курытымрэ зэхэту сом мелард 470-р я лэжьыгъэм къыхашащ икIи ар процент 50-кIэ нэхъыбэщ 2023 гъэм елъытауэ. МСП Корпорацэр шэсыпIэу яхуэуващ «Хьэрычэт мащIэмрэ курытымрэ» лъэпкъ пэхуэщIэм ипкъ иткIэ икIи абы и фIыгъэкIэ ядэIэпыкъуащ хьэрычэтыщIэ мин 38-м щIигъум, абы щыгъуэми, абыхэм я процент 92-р хьэрычэт цIыкIумрэ (микробизнес жыхуэтIэм) мащIэмрэ хэтхэрщ.

Ахъшэ нэхъыбэ къыхезыгъэлъхьар продукцэхэр къыщIэзыгъэкI, абыхэм елэжь IуэхущIапIэхэрщ, инфраструктурэ ухуэныгъэхэр езыгъэкIуэкIхэрщ, хьэпшыпхэмрэ хьэлъэхэмрэ зыхъумэхэмрэ ахэр зыгъэIэпхъуэхэмрэщ, щIэныгъэ-техникэ IэнатIэм, информацэмрэ связымрэ пыщIахэрщ. ЩIэгъэкъуэн зыхуэхъуахэм я нэхъыбэр Iуэхутхьэбзэ зэхуэмыдэхэр цIыхухэм яхуэзыщIэ IуэхущIапIэхэрщ, щэнхабзэмрэ спортымрэ, хьэщIэщхэмрэ шхапIэхэмрэ япыщIахэрщ.