Я зэфIэкI еплъыжынущ

Урысей ФССП-м, «Орлёнок» Урысейпсо сабий центр цIэрыIуэм щIыгъуу зэхешэ «Хабзэм и хъумакIуэ ныбжьыщIэхэр» программэм хэтынухэм я зэпеуэ.
Абы хэтыфынущ зи ныбжьыр илъэс 11-м къыщыщIэдзауэ 16-м нэс хъухэу хабзэм, къэралымрэ абы и зэхэлъыкIэмрэ зэрызэфIэувам я тхыдэм дихьэххэр. 
«Хабзэм и хъумакIуэ ныбжьыщIэхэр» иджы еханэрэ зэхаублэикIи ар 2025 гъэм накъыгъэм и 30-м щегъэжьауэ мэкъуауэгъуэм и 19 пщIондэ «Дозорный» лагерым щекIуэкIынущ.
Зэпеуэм хэтынухэм ягъэхьын хуейщ тхыдэм, обществознаниемрэ правэмрэ щызыIэрагъэхьа ехъулIэныгъэхэр зыхуэдэр къэзыгъэлъагъуэ я тхыгъэхэр икIи абы ехьэлIа реферат ягъэхьэзырын хуейщ.  Лэжьыгъэхэр Iахынущ 2025 гъэм мэлыжьыхьым и 11 пщIондэ. Iуэхум нэхъ зэпкърыхауэ щыгъуазэ зыщыпщIыфынущ: http://fssp.gov.ru/public_social_up/  
ТекIуауэ къалъытэнущ дерс гъэщIэгъуэну нэхъыбэ зыгъэхьэзырахэр. Зэпеуэм кърикIуахэр «Орлёнок»-м и сайтым къралъхьэнущ. 
Зэхьэзэхуэм щытекIуахэм тенджыз ФIыцIэ Iуфэм щыIэ Орленокым  зэрыкIуэну тхылъ иратынущ.  
Зэпеуэм хэтыным ехьэлIа хъыбархэр къэфщIэфынущ мы телефонхэмкIэ: 8 (928) 910-04-14; 8 (903) 490-86-10.