Полицейхэм я фIыгъэкIэ

Автоинспекторхэм плъыр къалэныр Налшык къалэм ПащIэ Бэчмырзэ и цIэр зезыхьэ уэрамым щрахьэкIыу, фокIадэм и 3-м сыхьэт 11-м гу лъатащ бэзэрым и гъунэгъу автомашинэ гъэувыпIэм деж щыт ВАЗ-2112 машинэм и лъабжьэм Iугъуэ къызэрыдихум. 

Автомашинэр зейр гъунэгъуу щыттэкъым. ЗэгъэтIылъэкI имыIэу Iуэхум яужь уимыхьэмэ, ар къэлыдынкIэ шынагъуэ щыIэт. 
Урысейм и МВД-м и Управленэу Налшык къалэм щыIэм и ГИБДД-м и гъуэгу-плъыр къулыкъум и гуп щхьэхуэм и инспекторхэу, полицэм и лейтенантхэу Атэлыкъ Русланрэ Бэрэздж Къамбулэтрэ псынщIэу капотыр трахри, мафIэр зэрагъэункIыфIыр къагъэсэбэпу, мафIэс-къегъэлакIуэ гупыр къэсыху къэлыдыну Iэмал ирамыту ягъэункIыфIащ.
Транспортыр зейм шынагъуэншэу Iуэхур зэрызэфIагъэкIам папщIэ фIыщIэ яхуищIащ.