Махуэшхуэм ирихьэлIэу

23 декабря, 2021 - 08:55

Къэбэрдей - Балъкъэрым къэралыгъуэ зэ­риухуэрэ илъэси 100 щрикъум ирихьэлIэу зэфIагъэкIын хуей лэжьыгъэ нэхъыщхьэхэм ящыщ зыщ ЩоджэнцIы-кIум и уэрамыр зэIузэпэщ щIыныр.

Лэжьыгъэхэр и гуащIэгъуэу щокIуэкI КIыщокъуэм и уэрамым къыщыщIэдзауэ Толстойм и уэрамым нэсыху. КIыщокъуэм и уэрамым къыщыщIэдзауэ Нэгумэм и уэрамым нэсыху зэгъэпэщыжыныгъэ лэ­жьы­гъэхэр щызэфIагъэкIа нэужь, Iуэхум щы­пащэнущ Толстойм и уэрамымрэ Захаровым и уэрамымрэ зэпызыщIэ гъуэгу Iыхьэм.
ИлъэсыщIэм ипэ къихуэу КIыщокъуэм и уэрамым къыщыщIэдзауэ Нэгумэм и уэрамым нэсыху коммуникацэ хуэIухуэщIэ-хэр, псыр зрикIуэ бжьамийхэмрэ псы зэбгрытыкIыпIэхэмрэ зыхуей щыхуагъэзащ. Иджыпсту ЩоджэнцIыкIум и уэрамым, «Урысейм и пощт» IуэхущIапIэм щегъэ­жьауэ, гъуэгу лэжьыгъэхэр къыщрахьэлIэ: ас­фальтыр трагъэкъэбзыкIауэ мывэ кIэщхъыр тракIутэ. Лениным и проспектым, ­Нэгумэм и уэрамым къыщыщIэдзауэ ­Осе­тинскэ уэрамымкIэ кIуэцIрыкIыу, уэш­хып­сыр зрикIуэ кIэнауэхэр къы­­ща­гъэ­щIэрэщIэж,  ток  кIапсэхэр  щызэра­хъуэкI.
ЩоджэнцIыкIум и уэрамыр иджырей мар­дэхэм тету зэIузэпэщ щIыным ехьэлIа лэжьыгъэ псори 2022 гъэм и шыщхьэуIу мазэм зэфIэкIынущ.

ЛЪОСТЭН Музэ.
  • 8 просмотров
Поделиться: