Дунейпсо зэхьэзэхуэм ди щIалэхэр къыщыхожаныкIМы махуэхэм Красноярск щекIуэкIащ «Гран-при «Иван Ярыгин» бэнэкIэ хуитымкIэ XXXII дунейпсо зэхьэзэхуэр. Сыбырым и къалащхьэм щызэхуэсащ къэрал куэдым я бэнакIуэ нэхъыфIхэу 300-м нэблагъэ. Къэбэрдей-Балъкъэрым щыщ спортсменхэм пщIэшхуэ зиIэ зэпеуэм зэфIэкI лъагэхэр къыщагъэлъэгъуащ. Къыщыхах пэщIэдзэ зэIущIиплIым шэч къызытумыхьэн текIуэныгъэхэр къыщызыхьа ЗакIуий Анзор финалым щыIущIащ Якутием къикIа Рассадин Виктор. Зи хьэлъагъыр килограмм 70-м нэблагъэхэм я зэпэщIэтыныгъэм 4:10-уэ и хьэрхуэрэгъум къыщыхигъэщIащ ди щIалэр икIи дыжьын медалыр къылъысащ. КъыкIэлъыкIуэ махуэм кIэух зэIущIэм 1:3-уэ щыфIахьащ пэщIэдзэ зэIущIищым щытекIуа килограмм 79-м нэблагъэ зи хьэлъагъ Шаваев Малик. Къэбэрдей-Балъкъэрым щыщ спортсменым финалым къыщыпэщIэтащ Осетие Ищхъэрэ-Аланием къикIа 2021 гъэм екIуэкIа дунейпсо чемпионатым домбеякъ медалыр къыщызыхьа Валиев Радик. Зи хьэлъагъыр килограмм 74-м нэблагъэхэм я зэхьэзэхуэм и финал ныкъуэ зэпэщIэтыныгъэм Америкэм и Штат Зэгуэтхэм щыщ Нолф Джейсон къыщыхигъэщIащ ди лъэпкъэгъу БищIо Тимур. АрщхьэкIэ, адыгэ щIалэм финал цIыкIум щытыкIэр зымащIэкIэ щигъэзэкIуэжащ. 4:0-у ар ефIэкIащ США-м и лIыкIуэ Шильдс Джош икIи домбеякъ медалыр зыIэригъэхьащ.
БищIо Тимур
ЗакIуий Анзор
Шаваев Малик.
Поделиться:
Читать также:
04.05.2024 - 11:00 →
Урысейм и чемпион Шэрий Иналбэч
03.05.2024 - 17:48 →
Спортсмен цIэрыIуэм и фэеплъу
03.05.2024 - 16:51 →
Алим кIэух зэпеуэм хэтынущ
03.05.2024 - 15:27 →
ЕтIуанэ увыпIэр къахь
03.05.2024 - 09:58 →
Балъкъыз Камилэ дыщэ медаль къехь
|