ЦIыху мини 2-м щIигъум къагъэсэбэп

2021 гъэм къриубыдэу Къэбэрдей-Балъкъэрым щыпсэухэм «Урысейм и Мэкъумэшбанкым» кредиту къыIахащ сом мелард 1,4-м щIигъу. Ипэ ит илъэсым елъытауэ ар процент 20-кIэ нэхъыбэщ.

Щхьэзакъуэ кредит портфелыр псори зэгъусэу къапщтэмэ, потребительскэ кредитым абы и процент 44-р къылъос. ЩIэупщIэ нэхъ зиIэхэм ящыщщ «Пенсионный», «Потребительский кредит без обеспечения» кредитхэр. 2021 гъэм къриубыдэу Налшык дэт офис нэхъыщхьэм итащ ебгъэтIылъэкI мыхъун IуэхукIэ къагъэсэбэпыну щIыхуэ мин 1,8-м щIигъу, псори зэхэту сом мелуан 625-рэ. Ипэ ита илъэсым нэхърэ ар хуэдэ 1,5-кIэ нэхъыбэщ.

Зэрыхуейм хуэдэу къагъэсэбэпын щIыхуэ тынымкIэ хэхъуэ къэзыгъэлъэгъуахэм ящыщщ Тэрч къалэ щыIэ къудамэмрэ Налшык дэт офис нэхъыщхьэмрэ. А IуэхущIапIитIым щатащ ищхьэкIэ къэдгъэлъэгъуа кредит лIэужьыгъуэу республикэм щыIам и процент 30-р.

«Зэрыхуейм хуэдэу къагъэсэбэпыну хуитыныгъэ зыхуаIэ кредит программэр егъэфIэкIуэныр «Урысейм и Мэкъумэшбанкым» и унэтIыныгъэ нэхъыщхьэхэм ящыщщ. Финанс бжыгъэхэр къэзыгъэлъагъуэхэр дэкIуеиныр елъытащ къудамэм и лэжьыгъэ зэтеублам. Ар хуэунэтIащ щIыналъэм щыпсэухэм кредит Iэмалхэр нэхъ тынш ящыщIыным», - къыхигъэщащ «Урысейм и Мэкъумэшбанкым» Къэбэрдей-Балъкъэрым щиIэ и къудамэм и унафэщI Сокъур Алим.

КЪЭХЪУН Бэч.
Поделиться: